Nuk kanë kohëzgjatje të njëjtë të gjitha frutat dhe perimet. Disa produkte, si hudhërat, patatet dhe qepët nuk duhet të ruhen në frigorifer. Përdorni rekomandimet në vazhdim nëse dëshironi që produktet tuaja të qëndrojnë më gjatë në frigorifer.

Kontrolloni cilësimin e temperaturës  

Frigoriferi mund të jetë cilësuar në temperature më të ulët. Temperatura e rekomanduar është rreth 4 °C deri në 5 °C. 

Ruajeni ushqimin në mënyrë adekuate  

Lëngjet ose ushqimet që përmbajnë lëngje mund të krijojnë lagështirë brenda frigoriferit. Gjithashtu, ushqimet si sallatat e gjelbëra dhe frutat lëshojnë lagështi brenda pajisjes gjatë ftohjes. Lagështira është arsyeja numër një për prishjen e ushqimit. Për të shmangur këtë gjë, mbështillni këto gjëra me letër dhe gjithmonë ruajeni ushqimin në kuti ose mbështjellës të mbyllur, pa lagështi dhe të sigurt për ruajtje në frigorifer.  

Rregulloni ventilatorët e lagështisë në krisperin tuaj  

Krisperat e frigoriferit janë të dizajnuar të mbajnë ushqimin tuaj të freskët duke ruajtur lagështinë. Shumica e krisperëve kanë ventilë të rregullueshëm për të ruajtur më mirë lloje të ndryshme të produkteve.

Perimet me lëkurë të hollë ose me gjethe duhet të mbahen në ambiente më të lagështa, gjë që arrihet duke mbyllur ventilet. Shumica e frutave zgjatin më shumë në ambient më të thatë, prandaj ato duhet të mbahen në sirtare me më pak lagështi me ventilatorë të hapur.

Rregulloni ventilatorët për të arritur nivelet ideale të qarkullimit të lagështisë për ushqimin e futur.  

Mos futni ushqime të lagura  

Bakteriet rriten më lehtë dhe më shpejt në mjedise të lagura. Lani frutat dhe perimet para konsumimit, Nëse i keni larë më parë, fshijini para se ti futni në frigorifer.   

Mbani llojet e ndryshme të ushqimit të ndara

Vendosja e produkteve shumë të pjekura afër njëra tjetrës shkakton prishjen e tyre. Mbani produktet e ndryshme në vende të ndara. Ndarja e frutave dhe perimeve gjithashtu është një gjë e mirë.