Ju falemnderit për komentin tuaj
Sapo keni shtuar këtë produkt në listën e dëshirave tuaja.
Sapo keni hequr këtë produkt nga lista e dëshirave tuaja.
Nuk mund të shtoni më shumë në listën e dëshirave
Are you sure you want to clear your wishlist?
Continue
Mund të krahasoni vetëm produktet nga kategoria e njëjtë.
Sapo keni shtuar një artikull për krahasim! Vazhdoni më tej!
Sapo keni hequr një artikull për krahasim! Vazhdoni më tej!
Lista juaj e krahasimit është plot!
Keni shtuar vetëm 1 produkt. Ju lutemi shtoni më shumë produkte për krahasim
03-BEKO-Sponsorship6_1920x450

 

Partneriterit

Të gjitha partneritetet u bashkuan

 

për një qëllim: 

 

#EatLikeAPro

Deri në vitin 2025, do të ketë 70 milionë fëmijë në botë që vuajnë nga obeziteti. Duke e ditur këtë, ne nisëm një iniciativë globale në vitin 2017 për të luftuar rritjen dramatike të normave të obezitetit të fëmijërisë në të gjithë globin: EatLikeAPro (Hani si profesionist). 

 

#EatLikeAPro synon të ndihmojë prindërit që t'i bëjnë fëmijët e tyre të ushqehen më shëndetshëm dhe ne patëm një ide. Pasi zbuluam se 80% e fëmijëve do të ushqeheshin më shëndetshëm nëse do ta dinin që edhe heronjtë e tyre ushqehen ashtu, vendosëm të bashkojmë forcat me profesionistë në fusha të ndryshme.  

 

Fushata #EatLikeApro ka të bëjë me mënyrën se si yjet më të mëdhenj në botë arritën atje ku janë duke përdorur çdo përfitim shëndetësor për të maksimizuar performancën e tyre. 

FC BARCELONA

Partneriteti ynë me FC Barcelona lindi nga dëshira e ndërsjellë për të bërë një ndryshim në jetën e njerëzve në të gjithë botën. Sponsorizimi ynë daton para kampanjës Eat Like A Pro, por bashkëpunimi ynë vetëm sa u forcua me të. 

 

FC Barcelona përbën partnerin e përsosur në këtë iniciativë, si një nga klubet më të rëndësishme të futbollit në botë, për më tepër që zhvillon dhe një punë të rëndësishme ndërgjegjësuese për shëndetin dhe fitnesin, veçanërisht në nivel të të rinjve. Të gjitha këto janë vlera që Beko i ka besuar për mbi 60 vjet. 

Ky partneritet u dha familjeve anembanë globit qasje ekskluzive në zakonet e të ngrënit të superyjeve më të mëdhenj të sportit në botë. Për ta mbështetur këtë, ne krijuam recetat "Hani si një profesionist", duke shfaqur receta ekskluzive të miratuara nga nutricionistja e FC Barcelona, Dr. Maria Antonia Lizárraga Dallo. Ne gjithashtu krijuam uebfaqen Eat Like A Pro, ku familjet kanë qasje në një gamë të gjerë aktivitetesh argëtuese, truket dhe recetat e të ushqyerit të shëndetshëm. 

 

Ambasadori i Eat Like A Pro dhe ylli i FC Barcelona, Gerard Piqué komenton: “Jam i emocionuar që jam ambasador për një fushatë kaq të rëndësishme dhe novatore. Ndërsa fillova të konkurroja që në moshë kaq të re, unë vlerësova rëndësinë e të ushqyerit dhe ushqyerjes së shëndetshme dhe tani si baba i dy fëmijëve, e ndjej edhe më të rëndësishme se kurrë më parë. Statistikat globale rreth obezitetit të fëmijërisë janë tronditëse dhe nuk po tregojnë ndonjë shenjë përmirësimi, prandaj jam krenar që punoj me Bekon dhe klubin tim për të ndihmuar në trajtimin e kësaj çështje globale.” 

UNICEF

Fondi i Kombeve të Bashkuara për Fëmijët, ose UNICEF-i, ka luftuar për të drejtat dhe shëndetin e fëmijëve për më shumë se 70 vjet. Ne u bashkuam me ta si pjesë e fushatës sonë Eat Like A Pro në 2018. 

 

Partneriteti dha rezultatet e menjëhershme, kur ne ngritëm një fond marramendës prej 1.000.000 Euro në 11 ditë për fondin, falë një mbështetjeje të madhe nga fansat në mediat sociale në të gjithë globin.  

Fushata e Donacioneve të UNICEF-it u lançua zyrtarisht midis Bekos dhe UNICEF-it më 30 Prill 2018 si pjesë e fushatës Eat Like A Pro. Çdo postim i shpërndarë në Twitter ose Instagram duke përdorur #EatLikeAPro shkaktoi një donacion prej 1 Euro për UNICEF-in. 

 

Me mbi një milion postime brenda 11 ditëve të para, mbi 500,000 familje aktualisht po përfitojnë nga aksesi më i mirë në ushqim më të shëndetshëm dhe një dietë më të ekuilibruar. 

 

Victor Aguayo, shefi i Programit Global të Ushqyerjes së UNICEF-it, komenton: “Obeziteti i fëmijëve po prek gjithnjë e më shumë familjet dhe vendet më të varfra, kryesisht për shkak të dietave që nuk u ofrojnë fëmijëve të gjitha lëndët ushqyese që u nevojiten për t'u rritur të shëndetshëm. Ne mirëpresim mbështetjen e partnerëve tanë Beko dhe FC Barcelona, të cilët do të punojnë ngushtë me ne për të sjellë ndryshime pozitive për fëmijët në mbarë botën.” 

 

 

 

Fenerbahçe Beko

 

     Ekipi i basketbollit për meshkuj 

Ekipi i basketbollit për meshkuj të Fenerbahçe Beko bëri 5 Final Four radhazi dhe 3 nga 4 finalet e fundit të Euroligës së Basketbollit. Ky sukses u krijua me fokus në tërheqjen e të rinjve më të mirë që luajnë në Evropë dhe në zhvillimin e një kulture të fitnesit, shëndetit dhe përkushtimit ndaj përmirësimit të vazhdueshëm të vetvetes.

 

Gjithçka përputhej në mënyrë të përkryer me vlerat për të cilat ne përpiqemi. Që nga viti 2019, Beko është sponsori kryesor i Ekipit të Basketbollit për Fenerbahçe, me logon tonë të stolisur në gjoksin e tyre si pjesë e partneritetit të emërtimit. 

Trajneri legjendar i ekipit të basketbollit për meshkuj të Fenerbahçe Beko, Željko Obradović, ka përqafuar plotësisht iniciativën Eat Like a Pro.

 

Obradović beson se Eat Like a Pro është një “përgjegjësi e madhe” dhe premton se lojtarët e tij “do të jenë modele me zakonet e tyre të të ngrënit për brezat e ardhshëm”. 

Liga e Legjendave

 

Kampionati Evropian

 

 

Kampionati Evropian i Ligës së Legjendave është ngjarja premierë botërore e eSports, në të cilën lojtarët profesionistë të eSports luajnë në nivelet më të larta të konkurrencës me mbi 99 milionë njerëz që shikojnë në mbarë botën.

 

Pas një lufte për t'u njohur si të tillë, bota tani e di se lojtarët profesionistë të eSports janë vetë atletë. Ashtu si profesionistët e sporteve tradicionale, lojtarët e Ligës së Legjendave stërviten me nutricionistë profesionistë dhe e shohin ushqimin e shëndetshëm dhe stërvitjen e rregullt një pjesë kritike të suksesit. 

Ndryshe nga profesionistët e eSports, shumica e fansave nuk duket se janë të vetëdijshëm për rëndësinë e të ushqyerit dhe ushtrimeve të shëndetshme. Në vitin 2019, ne u bashkuam me Riot Games për t'u bërë një furnizues zyrtar i LEC. 

 

Së bashku, ne punojmë me lojtarë profesionistë për të promovuar zakone të shëndetshme të të ushqyerit në mesin e audiencës dixhitale që i shikon ata si heronj. Ky partneritet na lejon të njohim grupin më të ri të atletëve që i bashkohen botës së sportit dhe të arrijmë tek një auditor i pashfrytëzuar më parë.