Ütünüzündən su damlamasının və ya sızmasının bir neçə səbəbi var. Xahiş edirik, aşağıdakılardan birinin bu problemi həll edib-etməyəcəyinə nəzər salın.

Su doldurma qapağının tam bağlandığından əmin olun

Qapaq tam bağlanmadıqda su qapaqdan tökülə bilər. Ütünüzü isidərək işlətmədən əvvəl qapağını yaxşıca basaraq yerinə otuzdurun.

Ütünüzün su qabını çox doldurmayın

Su qabını həddindən artıq doldurmaq ütüdə su sızmasına səbəb ola bilər. Su qabını doldurarkən onun üzərində qeyd olunan MAX limitini keçməyin.

İstilik parametrlərini yoxlayın

Temperatur çox aşağıdırsa, ütünüzdən su sıza və ya damlaya bilər. Ütünüz suyunu buxara çevirə bilənə qədər qızmalıdır. Ütüdən istifadə etməzdən əvvəl qızmasına bir neçə dəqiqə icazə verin.

İstifadəçi təlimatınıza nəzər salın və ütünü buxar funksiyası üçün kifayət qədər isti temperaturda istifadə etdiyinizə əmin olun. İstifadəçi kitabçanızı tapmaqda çətnlik çəkirsinizsə, məhsulunuzun model nömrəsindən istifadə edərək buradan endirə bilərsiniz. 

Kran suyu ilə doldurduğunuzdan əmin olun 

Ütünüzlə yalnız kran suyundan istifadə edin. Cihazınız içməli və ya distillə edilmiş su ilə istifadə üçün nəzərdə tutulmayıb. Kran suyunuz həddindən artıq sərtdirsə, içməli su ilə kran suyunun qarışığından istifadə edin.

Su qabına ətir, sirkə və ya digər mayelər tökməyin. Bunlar ütünüzə və ya paltarınıza ciddi zərər verə bilər.

Su rezervuarı və buxar dəliklərini təmizləyin

Zaman keçdikdən sonra ütünüzdəki su qabında kirəc əmələ gələ bilər və bu da ütünüzün su damlatmasına səbəb ola bilər. Su qabını maksimum səviyyəyə qədər kran suyu ilə doldurun və ütünü elektrik əbəkəsinə qoşun. Bütün su bitənə qədər buxar funksiyasını işlədin. Suyun daha tez buxarlanması üçün buxar düyməni basın. Bununla, ütünüzün buxar dəlikləri hər hansı kirəcdən qurtulacaqdır.

Bunu iki dəfə edin və cihazınız istifadəyə hazır olacaq.

Ütünün altını təmizləyin

Zaman keçdikcə ütünüzün altında kirəc və ya çirk əmələ gələ bilir ki, bu da ütünüzün su damlatmasına səbəb olur.

Daha yüngül hallarda, ütünüzün altını suya və ya sirkəyə batırılmış nəm bezlə silməyə və artıq suyu içərisindən çıxartmağa çalışın. Suya bir neçə damcı qab sabunu əlavə edə bilərsiniz. Ütünüzü ən aşağı temperatura qoyun və qızması üçün gözləyin.

Cihazı şəbəkədən ayırın və çirkdən və ya kirəcdən təmizləmək üçün ütünüzün altını nəm bezlə sürtün. Yalın əllərlə ütünün altına toxunmamağa diqqət edin. Ütünüzü yenidən istifadə etməzdən əvvəl qurumağa qoyun. 

Əgər bu işə yaramazsa, ütünüzü maksimum temperatura qoyun və qızmasını gözləyin. Buxar funksiyasını söndürün və çirk və ya kirəcin tökülməsini aradan qaldırmaq üçün ütünüzü bir kağız və ya kağız dəsmal üzərində sürtərək hərəkət etdirin. 

Aşındırıcı yuyucu vasitələr və ya dəmir setka kimi təmizləyici məhsullar istifadə etməyin, çünki bunlar ütünüzün altının aşınmasına və cızılmasına səbəb ola bilər.

Özünü təmizləmə funksiyasından istifadə edin

Bir çox Beko buxar generator ütüləri zamanla əmələ gələn kirəc hissəciklərini təmizləmək üçün öz-özünə təmizlənmə funksiyasına malikdir. Bu funksiyanı hər 2-3 həftədən bir istifadə edin. Kran suyunuz çox kirəclidirsə və ya ütünün altından çıxan kirəc hissəciklərini görürsünüzsə, bu təmizləmə prosesindən daha tez-tez istifadə edin. Bu ütünüzün ömrünü uzadacaqdır.

Ütünüzü su ilə doldurun işə salın və qızmasını gözləyin. Termostat göstəricisi işığı söndükdə, şəbəkədən ayırın. Ütünüzü bir çanağın üstündə saxlayın və kirəc çıxarma düyməsini basıb saxlayın. Bütün su bitənə qədər buna davam edin və sonra düyməni buraxın. Bu bir neçə dəqiqə çəkə bilər.

Ütünü dik vəziyyətdə soyumağa buraxın. Ütünüzün altını bez ilə silin.