Soyuducunuzun normal şəkildə işləməsi üçün ayaqları üzərində düzgün və tarazlı şəkildə dayanmalıdır. Cihazı o tərəf bu tərəfə, irəli və geriyə hərəkət etdirməyə çalışın. Əgər çox hərəkət edirsə, döşəməniz və ya cihazınızın ayaqları qeyri-bərabər ola bilər.

Cihazın tarazlılığını yoxlamaq üçün su tərəzisindən istifadə edin. Əgər soyuducunuz işlək vəziyyətdə deyilsə, onun ayaqlarındakı bərkidici qaykaları taparaq nizama salın. Döşəmə üzərində taraz durana qədər ayaqları saat əqrəbi istiqamətində və ya saat əqrəbinin əksi istiqamətində çevirin.

Dondurucunuzun istifadə etməyə başlamazdan öncə bir müddət gözlədilməyə ehtiyacı var. Kompressor yağının durulması üçün ən azı 4 saat elektrik şəbəkəsinə qoşulmadan, şaquli vəziyyətdə saxlayın. 

4 saat keçdikdən sonra cihazınızı elektrik cərəyanına qoşa bilərsiniz. Termostat nəzarətininin qoşulmuş olmasına əmin olun, lakin dərhal qida yükləməyə başlamayın. Dondurucunuza 12 saata qədər qidanın saxlanılması üçün təhlükəsiz olan tempraturadək soyuması üçün zaman verin. 

İdeal dondurucu temperaturu -18 °C-dir. Düzgün termometrlə dondurucunun daxilindəki temperaturu yoxlayın. Termometri bir stəkan spirtin və ya bitki yağının içərisinə qoyaraq dondurucunuzun içərisinə yerləşdirin. İstədiyiniz temperatura çatdıqda qidanızı saxlamağa başlaya bilərsiniz.