Qoxulu corablar, çirkli idman dəsti, ləkələnmiş köynəklər... paltaryuyan maşınınız bunların hamısının qayğısına qalır, lakin bəzən lütf göstərərək paltaryuyan maşınınıza ümumi baxış keçirmək lazım gəlir.
Paltaryuyan maşınınızı təmiz saxlamaq onun səmərəli işləməsinə, ömrünün uzanmasına kömək edəcək və heç bir bakteriyanın böyümək şansının olmadığına əminlik yaradacaq. O, həmçinin sizin paltaryuyan maşınınızın pis qoxusu ilə mübarizə aparmağınızın da qarşısını alacaq. Bu kiçik bələdçinin sizə bunun nə qədər sürətli və asan olduğunu göstərməyinə icazə verin.
Nasos filterini müntəzəm olaraq təmizləyin
Paltaryuyan maşınınızın xüsusən diqqət yetirməli olduğunuz ən vacib hissəsi onun nasos filteridir. Nasos filteri düymələr və qəpiklər kimi əşyaların drenaj borusuna getməsinin qarşısını alır. Bunu cihazın aşağı küncündə olan qapağın arxasında tapa bilərsiniz. Siz nasos filterini hər 3-4 aydan bir təmizləməlisiniz.
Filteri çıxarmaq üçün qapağı açın. Bəzi paltaryuyan maşın modellərində filter içərisindəki suyun boşaldılması üçün qapağın arxasında kiçik bir şlanq olur. Digərlərində isə filter çıxarıldıqda su boşaldılır. Hər iki halda bir qabın və ya bir neçə dəsmalın filterin altına qoyulması daha yaxşıdır.
Əgər şlanq görürsünüzsə, onu çıxarın və bütün suyun axmasını gözləyin. Əks təqdirdə, filteri saat əqrəbinin əksi istiqamətində çevirin və çəkin. Bunu etdiyiniz zaman su axacaq. Ümid edirik ki, su qaba və ya dəsmalın üzərinə axacaq.
Çirkləri, saçları və ya kənar əşyaları filterdən çıxarın. Sonra kran altında yaxalayın. Filter boşluğunda çirk, qəpik və ya düymə kimi əşyaların ilişib qalmadığını yoxlayın. Nəmli bez ilə silin. Nəhayət, filteri saat əqrəbi istiqamətində çevirərək əvvəlki yerinə yerləşdirin və bağlayın və qoruyucu qapağı yerinə qoyun.
Qapı rezinini təmizləyin
Qapı rezinləri tiftik və çirk yığmağa meyllidir. Zamanla rezinlərin içərisində kif və bar əmələ gələ bilər. Zaman zaman onları yumşaq bir süngər və ya bir bez ilə sildiyinizə əmin olun. Aşındırıcı təmizləyici maddələrdən istifadə etməyin, çünki onlar rezinlərə zərər verə bilər.
Xarici hissəni də təmizləyin
Paltaryuyan maşının xarici səthlərini təmiz saxlamaq üçün qeyri-aşındırıcı təmizləyici vasitə ilə yumşaq bez və ya süngər istifadə edərək xarici səthləri ehtiyatla silin.
Əgər siz təsadüfən yuyucu və ya yumşaldıcı vasitəni cihazınızın üzərinə tökdünüzsə, onu mütləq şəkildə tez silin, çünki onlar səthin korroziyasına səbəb ola bilərlər. Bakteriya üçün qidalandırıcı mühit ola biləcəyi üçün qapı rezinlərini də yaxşıca silin. Həftədə bir dəfə bunu etməklə, paltaryuyan maşınınızın xarici səthini təmiz və təzə saxlayacaqsınız.
Yuyucu vasitə qabını təmizləyin
Sonra yuyucu vasitələr üçün qaba baxın-burada yuyucu və yumşaldıcı vasitələrin, xüsusilə də tozşəkilli yuyucu vasitələrdən istifadə edirsinizsə, onların qalıqları yığıla bilər. Sizin onu tamamilə çıxarmağınız üçün qabı yüngülcə qaldıraraq çıxara bilərsiniz.
Çanağın altında yaxşıca durulayın, heç bir qalığın qalmadığından əmin olun, sonra yenidən cihaza yerləşdirin. Bunu ayda bir dəfə yerinə yetirmək kifayət edir, ancaq yuyucu vasitə qabında çox sayda yuyucu vasitə yığıldığını görsəniz bunu mütləq təkrar edin.
DrumClean+ kimi özünü təmizləyən proqramın üstünlüklərindən faydalanın
Beko paltaryuyan maşınlarındakı DrumClean + Proqramı suyu bakteriya və kifi məhv edəcək temperatura qədər qızdırır. Sadəcə bu rejim üçün heç bir camaşır və ya yuyucu vasitə atmadığınızdan əmin olun!
Paltaryuyan maşınınızda özünü təmizləmə proqramı yoxdursa, paltaryuyan boş olduqda ən isti dərəcəyə malik proqramı yuyucu vasitəsiz istifadə edə bilərsiniz. Bunu 3-6 ayda bir etmək cihazınızı mümkün qədər yaxşı vəziyyətdə saxlayacaqdır.
