Cihazınızın işlək su təchizatına qoşulduğuna əmin olun. Əgər paltaryuyan maşınınız hələ də suyla dolmursa, aşağıdakılardan biri bu problemin həlli ola bilər. 

Su təchizatı və drenaj şlanqlarının əyilmiş və ya tıxanmış olub-olmadığını yoxlayın.

Su təchizatı ilə maşın arasında olan təchizat və giriş şlanqı əyilmiş və tıxanmış olmamalıdır. Tıxacları çıxarın və lazım gələrsə, onları açın və düzəldin. Sızan, deşilmiş və ya paslanmış boruları dəyişdirin.

Su qəbuledici filterlərin çirkli və ya tıxanıqlı olub-olmadığını yoxlayın

Paltaryuyan maşının arxasındakı su qəbuledici filterləri yoxlayın. Ümumilikdə iki ədəd su qəbuledici filter mövcuddur; biri su təchizatı ilə təchizat şlanqının birləşdiyi yerdə, ikincisi isə şlanqın paltaryuyan maşınına keçdiyi yerdə yerləşir. Çirk və xarici maddələri özündə topladığına görə filterlərin təmizliyə ehtiyacı ola bilər.

Kranları bağlayın və su təchizatı şlanqından qaykaları çıxarın. Filterləri çıxarın və fırçayla təmizləyin. Həddən artıq çirklənibsə, kəlbətin istifadə edərək filterləri rezinlərlə birlikdə çıxarın və axar su altında yaxşıca təmizləyin. Diqqətli şəkildə dəyişdirin və qaykaları əlinizlə sıxın.

Qapının tam bağlandığından əmin olun

Paltaryuyan maşınınız qapısının açıq olduğunu müəyyən etsə, işə başlamayacaq. Qapının möhkəm bağlanmasından əmin olun. Qapıda qalan əşyaları təmizləyin və kilidlənmə səsi eşidənədək itələyin.

Texniki problemləri nəzərdən keçirin

Problem davam edirsə, paltaryuyan maşınınızda texniki problem ola bilər. Bunun problem olacağını düşünürsüzsə, səlahiyyətli xidmət şirkətinə müraciət edin.