Paltaryuyan maşınınızdan su sızmasının bir neçə səbəbi ola bilər. Xahiş edirik, aşağıdakılardan birinin bu problemi həll edib-etməyəcəyinə nəzər salın. 

Su təchizatı qovşağının qaydasında olub-olmadığını yoxlayın.

Paltaryuyan maşınınızın su təchizatı qovşağını yoxlayın. Əgər boşluq varsa, o zaman qaykanı bərkidin. 

Təchizat və ya drenaj borularının qatlanmadığından və ya tıxanmadığından əmin olun

Su təchizatı və drenaj boruları qatlanmamalı və tıxanmamalıdır. Lazım gələrsə, tıxacları təmizləyin və ya boruları düzəldin. Sızan, deşilmiş və ya paslanmış boruları dəyişdirin.

Su təchizatı borularının araqatlarında boşluqların olub-olmadığından əmin olun

Su təchizatı borularının hər tərəfində bir araqat var. Bu iki araqat zamanla boşala bilər. Təchizat borularından su sızırsa, araqatları dəyişdirməlisiniz.

Uzatma borusu qovşağında boşluqların olub-olmadığını yoxlayın

Hər hansı bir uzatma borusu ilə paltaryuyan maşınınızın drenaj borusu arasındakı qovşağı yoxlayın. Bütün qovşaqlar bərkidilmiş olmalıdır. Zaman keçdikcə qısqacların boşalıb-boşalmadığını yoxlayın. Lazım gələrsə, bərkidin və ya dəyişdirin.

Nasos filterinin çirklənmədiyindən və ya tıxanmadığından əmin olun

Ən çox ehtimal olunan səbəb tıxanmış nasos filteridir. Nasos filteri hər üç aydan bir və ya tıxandığı zaman təmizlənməlidir. Bu filter düymə və ya qəpik kimi kənar əşyaların tutulması və bu maddələrin drenaj borusuna daxil olmasının qarşısını almaq üçün quraşdırılır. Bu, paltaryuyan maşının sağ alt küncündə yerləşir. 

Filteri çıxarmaq üçün qapağı açaraq nasos filterini təmizləyin. Paltaryuyan maşınların bəzi modellərində filterin içərisində suyun boşaldılması üçün qapağın arxa tərəfində kiçik bir şlanq olur. Digərlərində isə filter çıxarıldıqda su boşaldılır. Hər iki halda bir qabın və ya bir neçə dəsmalın filterin altına qoyulması daha yaxşıdır.

Əgər şlanq görürsünüzsə, onu çıxarın və bütün suyun axmasını gözləyin. Əks təqdirdə, filteri saat əqrəbinin əksi istiqamətində çevirin və çəkin. Çirkləri, saçları və ya kənar əşyaları filterdən çıxarın. Sonra kran altında yaxalayın.

Filter boşluğunda çirk, qəpik və ya düymə kimi əşyaların ilişib qalmadığını yoxlayın. Nəmli bez ilə silin. Nəhayət, filteri saat əqrəbi istiqamətində çevirərək əvvəlki yerinə yerləşdirin və bağlayın və qoruyucu qapağı yerinə qoyun.

Cihazın tarazlılığını yoxlayın

Paltaryuyan maşınınızın normal işləməsi üçün o düz və hamar səthə yerləşdirilməlidir. Cihazı bir tərəfdən digər tərəfə və ya irəli və geri hərəkət etdirməyə çalışın. Əgər çox hərəkət edirsə, döşəməniz və ya cihazınızın ayaqları qeyri-bərabər ola bilər. 

Cihazın tarazlılığını yoxlamaq üçün su tərəzisindən istifadə edin. Əgər paltaryuyan maşınınız işlək vəziyyətdə deyilsə, onun ayaqlarındakı bərkidici qaykaları taparaq nizama salın. Onları boşaldın və döşəmə üzərində taraz durana qədər ayaqları saat əqrəbi istiqamətində və ya saat əqrəbinin əksi istiqamətində çevirin. Bütün bərkidici qaykaları əl ilə yenidən bərkidin.

Cihazı həddindən artıq yükləmədən çəkinin

Paltaryuyan maşınlar müxtəlif yükləmə qabiliyyətinə malikdir. Paltaryuyan maşınınız həddindən artıq yüklənmişsə, yuyucu vasitə paltarınızın qırışları arasında qalar və tamamilə həll oluna bilməz. Zəhmət olmasa, proqramlar və onların camaşır yuma imkanları haqqında məlumat üçün istifadəçi təlimatına müraciət edin. Təlimatınızı tapmaqda çətinlik çəkirsinizsə, məhsulun model nömrəsini istifadə edərək buradan yükləyin.

Daha çox paltaryuyan məsləhətləri üçün paltaryuyan maşınınızı necə düzgün şəkildə yükləmək və paltaryuyan maşınınızı nə qədər yükləyə biləcəyiniz barədə təlimatlara baxın.

Qapının tam bağlandığından əmin olun

Qapı tam bağlanmadığı təqdirdə qapıdan su sıza bilər. Qapı arasında qalmış əşyaları götürün və kilidlənmə səsi eşidənə qədər onu itələyin.

Yuyucu vasitə siyirməsinin tam bağlandığını yoxlayın

Yuyucu vasitə siyirməsinin tam bağlandığından əmin olun. Maşınınız tam bağlanmadığı təqdirdə sızmalar daha da arta bilər.