მადლობას გიხდით უკუკავშირისთვის
თქვენ ახლახან დაამატეთ ეს პროდუქტი თქვენი სურვილების სიას.
თქვენ ახლახან წაშალეთ ეს პროდუქტი თქვენი სურვილების სიიდან.
სურვილების სიაში მეტის დამატება შეუძლებელია
Are you sure you want to clear your wishlist?
Continue
თქვენ შეგიძლიათ შეადაროთ მხოლოდ ერთი და იგივე კატეგორიის პროდუქტები.
თქვენ ახლახან დაამატეთ ნივთი შესადარებლად! განაგრძეთ!
თქვენ ახლახან წაშალეთ ნივთი შესადარებლად! განაგრძეთ!
თქვენი შესადარებელი სია სავსეა!
თქვენ დაამატეთ მხოლოდ 1 პროდუქტი. გთხოვთ დაამატოთ მეტი პროდუქტი შესადარებლად
03-BEKO-Sponsorship6_1920x450

 

პარტნიორობები

ყველა პარტნიორობა გაერთიანებულია

 

ერთი მიზნის გარშემო:

 

#EatLikeAPro

2025 წლისთვის მსოფლიოში იქნება 70 მილიონი ბავშვი, რომლებსაც სიმსუქნე შეაწუხებთ. ვიყავით რა ინფორმირებული, 2017 წელს დავიწყეთ გლობალური ინიციატივა, ბავშვების ჭარბწონიანობის მნიშვნელოვან ზრდასთან საბრძოლველად, მსოფლიო მასშტაბით: Eat Like A Pro (იკვებე, როგორც პროფესიონალი). 

 

#EatLikeAPro მიზნად ისახავს, დაეხმაროს მშობლებს შვილების უფრო ჯანმრთელად კვებაში და ჩვენ გაგვიჩნდა იდეა. მას შემდეგ, რაც გაირკვა, რომ ბავშვების 80% უფრო ჯანმრთელად გამოიკვებებოდა, თუ ეცოდინებოდათ, რომ თავიანთი გმირებიც ასე იქცევიან, გადავწყვიტეთ, ძალები გაგვეერთიანებინა პროფესიონალებთან სხვადასხვა სფეროში.  

 

#EatLikeAPro კამპანია გულისხმობს იმას, თუ როგორ მიაღწიეს მსოფლიოს უდიდესმა ვარსკვლავებმა იქამდე, სადაც ახლა არიან, ჯანმრთელობის ყველა უპირატესობის გამოყენებით, მაქსიმალური შედეგების მისაღებად.

საფეხბურთო კლუბი „ბარსელონა“

ჩვენი პარტნიორობა საფეხბურთო კლუბ „ბარსელონასთან“ ერთად წარმოიშვა ორმხრივი სურვილით, შეგვეცვალა ადამიანების ცხოვრება მთელ მსოფლიოში. ჩვენი სპონსორობა ჯერ კიდევ Eat Like A Pro-მდე დაიწყო, და ახლა ჩვენი თანამშრომლობა კიდევ უფრო გაძლიერდა.

 

საფეხბურთო კლუბი „ბარსელონა“, როგორც ერთ-ერთ ყველაზე მნიშვნელოვანი საფეხბურთო კლუბი მსოფლიოში, წარმოადგენს საუკეთესო პარტნიორს ამ ინიციატივაში, უფრო მეტიც, ის ატარებს მნიშვნელოვან სამუშაოს ჯანმრთელობისა და ფიტნესის შესახებ ინფორმირების თვალსაზრისით, განსაკუთრებით ახალგაზრდებში. ეს ის ღირებულებებია, რომლებითაც Beko 60 წელზე მეტია ხელმძღვანელობს.

ამ პარტნიორობამ ოჯახებს მთელ მსოფლიოში მისცა ექსკლუზიური წვდომა მსოფლიოს უდიდესი სპორტული სუპერვარსკვლავების კვების ჩვევებთან. ამის მხარდასაჭერად, ჩვენ შევქმენით Eat Like A Pro რეცეპტები, რომელშიც წარმოდგენილია საფეხბურთო კლუბ „ბარსელონას“ დიეტოლოგის, ექ. მარია ანტონია ლიზარაგა დალოს მიერ დამტკიცებული ექსკლუზიური რეცეპტები. ჩვენ ასევე შევქმენით Eat Like A Pro-ს ვებსაიტი, სადაც ოჯახებს აქვთ წვდომა მხიარული აქტივობების ფართო სპექტრთან, ჯანსაღი კვების ხრიკებსა და რეცეპტებთან.

 

„Eat Like Pro-ის“ ელჩი და საფეხბურთო კლუბ „ბარსელონას“ ვარსკვლავი, ჟერარდ პიკე, კომენტარს აკეთებს: „მოხარული ვარ, რომ გავხდი ასეთი მნიშვნელოვანი და ინოვაციური კამპანიის ელჩი. რადგან შეჯიბრი ძალიან ადრეული ასაკიდან დავიწყე, დავაფასე ჯანსაღი კვების მნიშვნელობა და ახლა, როგორც ორი შვილის მამისთვის, ის კიდევ უფრო მნიშვნელოვანი ხდება, ვიდრე ოდესმე. ბავშვთა ჭარბწონიანობის შესახებ გლობალური სტატისტიკა შოკისმომგვრელია და გაუმჯობესების არავითარ ნიშანს არ აჩვენებს, ამიტომ, ვამაყობ, რომ ვთანამშრომლობ Beko-სთან და ჩემს კლუბთან ამ გლობალური საკითხის მოგვარებაში დასახმარებლად.“

UNICEF

გაეროს ბავშვთა ფონდი, იგივე UNICEF, 70 წელზე მეტია იბრძვის ბავშვთა უფლებებისა და ჯანმრთელობისთვის. ჩვენ მათ გუნდს შევუერთდით ჩვენი Eat Like A Pro კამპანიის ფარგლებში 2018 წელს.

 

ამ პარტნიორობამ მყისიერი შედეგი გამოიღო, როდესაც ფონდისთვის შეგროვდა გასაოცარი თანხა, 1 000 000 ევრო, 11 დღის განმავლობაში, სოციალურ მედიაში გულშემატკივრების უდიდესი მხარდაჭერის წყალობით, მსოფლიო მასშტაბით. 

UNICEF-ის შემოწირულების კამპანია Beko-სა და UNICEF-ს შორის ოფიციალურად დაიწყო 2018 წლის 30 აპრილს, Eat Like A Pro-ს კამპანიის ფარგლებში. #EatLikeAPro-ის გამოყენებით Twitter-სა თუ Instagram-ზე გაზიარებულმა თითოეულმა პოსტმა გამოიწვია 1 ევროს ოდენობით შემოწირულობა UNICEF-ისთვის.

 

პირველი 11 დღის განმავლობაში მილიონზე მეტი პოსტით, 500 000-ზე მეტ ოჯახს ამჟამად უკეთ მიუწვდება ხელი ჯანსაღ საკვებსა და დაბალანსებულ კვებასთან.

 

ვიქტორ აგუაიო, UNICEF-ის გლობალური კვების პროგრამის ხელმძღვანელი, აცხადებს: „ბავშვთა ჭარბწონიანობა უფრო მეტად გამოხატულია ღარიბ ოჯახებსა და ქვეყნებში, რაც ძირითადად გამოწვეულია კვებით, რომელიც არ უზრუნველყოფს ბავშვებს ყველა საჭირო საკვები ნივთიერებით, რომლებიც საჭიროა მათი ჯანმრთელობისთვის. მივესალმებით ჩვენი პარტნიორების, Beko-სა და საფეხბურთო კლუბ „ბარსელონას“ მხარდაჭერას, რომლებიც მჭიდროდ ითანამშრომლებენ ჩვენთან, რათა ბავშვებისთვის მოხდეს დადებითი ცვლილებები მსოფლიო მასშტაბით.“

 

 

 

„ფენერბახჩე Beko“

 

ვაჟთა კალათბურთის გუნდი

„ფენერბახჩე Beko-ს“ ვაჟთა კალათბურთის გუნდი ევროლიგის კალათბურთის 5 მეოთხედფინალსა და ბოლო 4 ფინალიდან 3-ში მოხვდა. ეს წარმატება გამოწვეულია ევროპაში მოთამაშე საუკეთესო ახალგაზრდობის მოზიდვითა და ფიტნესის, ჯანმრთელობისა და მუდმივი თვითგაჯანსაღების კულტურის განვითარებაზე ორიენტირებით.

 

ეს ყველაფერი იდეალურად შეესაბამებოდა იმ ღირებულებებს, რომლისკენაც ვისწრაფვით. 2019 წლის მონაცემებით, Beko არის „ფენერბახჩეს“ ვაჟთა კალათბურთის გუნდის ძირითადი სპონსორი და ჩვენი ლოგო გამოსახულია მათ მაისურებზე, ჩვენი პარტნიორობის ფარგლებში.  

„ფენერბახჩე Beko-ს“ ვაჟთა კალათბურთის გუნდის ლეგენდარული მწვრთნელი, ჟელკო ობრადოვიჩი, ბოლომდე ჩაერთო ჩვენს Eat Like a Pro ინიციატივაში. 

 

ობრადოვიჩს მიაჩნია, რომ Eat Like a Pro „უზარმაზარი პასუხისმგებლობაა“ და პირობა დადო, რომ მისი მოთამაშეები „თავიანთი კვების ჩვევებით, მისაბაძი მაგალითები იქნებიან მომავალი თაობებისათვის“.

ლეგენდების ლიგა

 

ევროპის ჩემპიონატი

ლეგენდების ლიგის ევროპის ჩემპიონატი არის მსოფლიოში ყველაზე მნიშვნელოვანი ელექტრონული სპორტული ღონისძიება, რომელშიც ელექტრონული სპორტის პროფესიონალი მოთამაშეები თამაშობენ შეჯიბრის უმაღლეს დონეზე, 99 მილიონზე მეტი მაყურებლით მსოფლიოში.

 

მას შემდეგ, რაც აღიარეს ბრძოლა, როგორც ასეთი, მსოფლიოში ახლა ყველამ იცის, რომ ელექტრონული სპორტის პროფესიონალი მოთამაშეები თავად არიან სპორტსმენები. ტრადიციული სპორტის პროფესიონალების მსგავსად, ლეგენდების ლიგის მოთამაშეები ვარჯიშობენ პროფესიონალ დიეტოლოგებთან და ჯანსაღ კვებას და რეგულარულ ვარჯიშს წარმატების მნიშვნელოვან ნაწილად მიიჩნევენ. 

ელექტრონული სპორტის პროფესიონალებისგან განსხვავებით, როგორც ჩანს, თაყვანისმცემლების უმეტესობა ვერ აცნობიერებს ჯანსაღი კვებისა და ვარჯიშის მნიშვნელობას. 2019 წელს ჩვენ შევუერთდით Riot Games-ს რათა გავმხდარიყავით LEC-ის ოფიციალური მიმწოდებელი.

 

ერთად, ჩვენ ვთანამშრომლობთ პროფესიონალ მოთამაშეებთან, რათა ხელი შევუწყოთ ჯანსაღი კვების ჩვევებს ციფრულ აუდიტორიაში, რომელიც მათ უყურებს, როგორც გმირებს. ეს პარტნიორობა საშუალებას გვაძლევს, ვაღიაროთ სპორტსმენების უახლესი ჯგუფი, რომელიც შეუერთდა სპორტის სამყაროს და ხმა მივაწვდინოთ აქამდე აუთვისებელ აუდიტორიას.