სამზარეულოს გამწოვი ზრუნავს თქვენს სამზარეულოში სისუფთავის სუნის შენარჩუნებაზე და თქვენც უნდა იზრუნოთ და მოუაროთ მას. ეს რჩევები მოვლის შესახებ დაგეხმარებათ სამზარეულოს გამწოვის საუკეთესო მუშა მდგომარეობაში შენარჩუნებაში.
1. გაასუფთავეთ ლითონის ცხიმის დამჭერი ფილტრი
ლითონის ცხიმის დამჭერი ფილტრი წინა ხაზზე მუშაობს გაწოვის თვალსაზრისით. სწორედ ის უშლის ხელს კვამლისა და ცხიმის დიდ ნაწილაკებს მოწყობილობაში მოხვედრასა და გაჭედვაში.
ზოგიერთი ცხიმის დამჭერი ფილტრი ერთნაწილიანია, ზოგი კი ორი ნაწილისგან შედგება. თუ დაიცავთ მის სისუფთავეს, სამზარეულოს გამწოვი უფრო ეფექტურად იმუშავებს. შეამოწმეთ თქვენი მომხმარებლის სახელმძღვანელო, უმრავლესობა მათგანის მოხსნა შესაძლებელია ღილაკზე ან სასხლეტზე თითის დაჭერის გზით. შეგიძლიათ ხელით გარეცხოთ ისინი ცხელ წყალში და სარეცხ სითხეში ან მოათავსოთ ჭურჭლის სარეცხ მანქანაში, თუ დასაშვებია ჭურჭლის სარეცხ მანქანაში მათი გარეცხვა. გამოცვლამდე გაამშრალეთ ისინი.
2. გაასუფთავეთ სამზარეულოს გამწოვის შიდა ნაწილი, სანამ ცხიმის ფილტრი მოხსნილია
სანამ ბადის ფილტრი წყალშია მოთავსებული ან ჭურჭლის სარეცხ მანქანაში ირეცხება, საუკეთესო მომენტია გამწოვის ინტერიერის კარგად გასასუფთავებლად, რადგან ცხიმმა და სხვა სახის ჭუჭყმა შეიძლება შეაღწიოს ზედაპირზეც. გამოიყენეთ ღრუბელი და არააბრაზიული საწმენდი საშუალება სამზარეულოს გამწოვის შიდა ზედაპირების გასასუფთავებლად ხელახლა დამონტაჟებამდე საგულდაგულოდ გაამშრალეთ შიდა კედლები და ფილტრი.
3. რეგულარულად შეცვალეთ ნახშირის ფილტრი
თუ თქვენი სამზარეულო გამწოვი ახორციელებს რეცირკულაციას და არა გაწოვას თქვენს სამზარეულოში ჰაერის გასასუფთავებლად, მას ნახშირის ფილტრი აქვს. ისინი უნდა გამოიცვალოს ყოველ სამ ან ექვს თვეში ერთხელ, კერძების მომზადების თქვენი ჩვევების მიხედვით. თუ ხშირად წვავთ, მათი გამოცვლა უფრო რეგულარულად მოგიწევთ.
4. გაასუფთავეთ გამშვები მილი
თუ თქვენი სამზარეულოს გამწოვი ახორციელებს ჰაერის გაწოვას სამზარეულოში ჰაერის გასაწმენდად, ის გამშვები მილით იქნება შეერთებული კედელზე ან ფანჯარაში არსებულ ნახვრეტთან. დროთა განმავლობაში ამ მილში შეიძლება დაგროვდეს ცხიმი და სხვა ნივთიერებები, ასე რომ, ის უნდა გაასუფთავოთ მინიმუმ ყოველ ექვს თვეში ერთხელ. შეიძლება მისი გასუფთავება გაგიჭირდეთ და პროფესიონალის დახმარება დაგჭირდეთ.
5. გაასუფთავეთ თქვენი სამზარეულოს გამწოვის გარე ზედაპირები
ცხიმი, ორთქლი და კვამლი ეხება თქვენი სამზარეულოს გამწოვის გარე ზედაპირებს და თუ არ გაასუფთავებთ, შესაძლოა დაგროვდეს. ეს დაგროვილი ჭუჭყი ძალიან მაგრდება, ამიტომ გარე ზედაპირების რეგულარული წმენდა წარმოადგენს სამზარეულოს გამწოვის კარგ მდგომარეობაში შენარჩუნების საუკეთესო გზას. კვირაში ერთხელ გაწმინდეთ იგი ტილოსა და არააბრაზიული საწმენდის გამოყენებით.
6. კერძების მომზადებისას სწორად შეარჩიეთ გამწოვის სიმძლავრის პარამეტრები
ყოველთვის არ არის საჭირო გამწოვის მაქსიმალურად დატვირთვა. თუ კომფორზე უბრალოდ რაღაცას ხარშავთ, ორთქლს თქვენი სამზარეულოს გამწოვის სიჩქარის ყველაზე დაბალი პარამეტრიც გაუმკლავდება. თუ ინტენსიური შეწვა გიწევთ, საჭიროა ყველაზე მაღალი სიჩქარის გამოყენება ცხიმის და კვამლის ეფექტურად გასაწოვად.
როგორც ხედავთ, თქვენი სამზარეულოს გამწოვის მოვლა ნამდვილად დამოკიდებულია სათანადო გასუფთავებაზე. გაწმინდეთ მოწყობილობა და ის გაწმენდს თქვენი სამზარეულოს ჰაერს.
