ჭუჭყიანი წინდები, ბინძური სპორტული ტანსაცმელი, დალაქავებული მაისურები... თქვენი სარეცხი მანქანა ზრუნავს მათზე, მაგრამ ზოგჯერ თქვენც უნდა გადაუხადოთ სამაგიერო და ყურადღებით დაათვალიეროთ ის.
თქვენი სარეცხი მანქანის სისუფთავის შენარჩუნება ხელს შეუწყობს მის ეფექტურად მუშაობას, გაზრდის მისი ექსპლუატაციის ხანგრძლივობას და უზრუნველყოფს, რომ ბაქტერიები არ გამრავლდეს. ეს ასევე დაგეხმარებათ, თავიდან აიცილოთ სარეცხი მანქანის მომაბეზრებელ სუნებთან ბრძოლა. ეს პატარა სახელმძღვანელო გაჩვენებთ, ეს რამდენად სწრაფი და მარტივია.
რეგულარულად გაწმინდეთ ტუმბოს ფილტრი
სარეცხი მანქანის ტუმბოს ფილტრი არის კიდევ ერთი რამ, რასაც თვალი უნდა ადევნოთ. ეს არის ის, რაც აჩერებს ნივთებს, როგორიცაა ღილები და მონეტები, რომ სადრენაჟე მილში არ გაიჭედოს. მას ნახავთ მოწყობილობის ქვედა კუთხის საფარის უკან. ტუმბოს ფილტრი უნდა გაწმინდოთ 3-4 თვეში ერთხელ.
გახსენით საფარი ფილტრის გამოსაჩენად. სარეცხი მანქანების ზოგიერთ მოდელს საფარის უკან აქვს პატარა შლანგი, რომელიც ფილტრში წყალს ატარებს. დანარჩენების შემთხვევაში წყლის დაცლა ხდება ფილტრის ამოღებისას. ორივე შემთხვევაში კარგია ფილტრის ქვემოთ თასის ან პირსახოცების მოთავსება.
შლანგს თუ დაინახავთ, ამოაძრეთ ის და მოხსენით და დაელოდეთ, სანამ წყალი მთლიანად არ გამოვა. თუ არა, გადაატრიალეთ ფილტრი საათის ისრის საწინააღმდეგო მიმართულებით და ამოიღეთ ის. ამის გაკეთებისას წყალი უნდა გამოვიდეს. ის თასში ან პირსახოცებზე უნდა დაესხას.
წყლისგან დაცლის ნაწილის დასრულების შემდეგ, ფილტრიდან ამოიღეთ ჭუჭყი, თმა ან ნებისმიერი უცხო საგანი. შემდეგ გაავლეთ გამდინარე წყალში. შეამოწმეთ ფილტრის ღრუ, რათა ნახოთ, რამე ჭუჭყი, მონეტა ან ღილი ხომ არ არის ჩარჩენილი. გაწმინდეთ ის სველი ქსოვილით. და ბოლოს, ჩასვით და დაამაგრეთ ფილტრი საათის ისრის მიმართულებით დატრიალებით და დაახურეთ დამცავი ხუფი.
გაწმინდეთ კარის ლუქები
კარის ლუქები ბუმბულსა და ჭუჭყს იზიდავს. დროთა განმავლობაში ლუქების შიგნით შეიძლება წარმოიქმნას სოკო და ობი. დროდადრო ისინი გაწმინდეთ რბილი ღრუბლით ან ქსოვილით. არ გამოიყენოთ აბრაზიული საწმენდი საშუალებები, რადგან ამან შეიძლება დააზიანოს ლუქები.
გაწმინდეთ გარეთა ნაწილი
სარეცხი მანქანის გარე ზედაპირების სისუფთავის შესანარჩუნებლად, უბრალოდ გამოიყენეთ რბილი ქსოვილი ან ღრუბელი არააბრაზიული საწმენდი საშუალებით და ნაზად გაწმინდეთ.
თუ შემთხვევით რაიმე სარეცხი საშუალება ან დამარბილებელი დაგეღვრებათ მოწყობილობაზე, რაც შეიძლება სწრაფად გაწმინდეთ ის, ვინაიდან ამან შეიძლება გამოიწვიოს ზედაპირის კოროზია. ასევე კარგად გაწმინდეთ კარის ლუქები, რადგან ეს შეიძლება იყოს ნაყოფიერი ნიადაგი ბაქტერიებისთვის. კვირაში ერთხელ ამის გაკეთება საშუალებას მოგცემთ, თქვენი სარეცხი მანქანის ზედაპირი ხელუხლებლად გამოიყურებოდეს.
გაწმინდეთ სარეცხი საშუალების უჯრა
შემდეგ შეხედეთ სარეცხი საშუალების უჯრას – აქ შეიძლება დაგროვდეს სარეცხი და დამარბილებელი საშუალებების ნარჩენები, განსაკუთრებით თუ სარეცხ ფხვნილს იყენებთ. უჯრის ამოსაღებად შეგიძლიათ ოდნავ ასწიოთ და ბოლომდე გამოიღოთ.
კარგად გარეცხეთ ნიჟარაში, დარწმუნდით, რომ მოაშორეთ მთელი ნარჩენი, შემდეგ კი კვლავ დააბრუნეთ მოწყობილობაში. თვეში ერთხელ საკმარისი უნდა იყოს, მაგრამ ეს ნამდვილად გააკეთეთ, თუ ნახავთ, რომ სარეცხი საშუალების უჯრაში ბევრი ნარჩენი დაგროვდა.
ისარგებლეთ თვითწმენდის ციკლით, როგორიცაა DrumClean+
DrumClean+ პროგრამა Beko-ს სარეცხის მანქანებზე აცხელებს წყალს ტემპერატურაზე, რომელიც ანადგურებს ბაქტერიებსა და სოკოს. უბრალოდ დარწმუნდით, რომ არ შეაგდოთ სარეცხი ან ჩაყაროთ სარეცხი საშუალება ამ ციკლის დროს!
თუ თქვენს სარეცხ მანქანას არ აქვს თვითწმენდის პროგრამა, შეგიძლიათ ჩართოთ ყველაზე მაღალი ტემპერატურის პროგრამა სარეცხი საშუალების გარეშე, როცა სარეცხი მანქანა ცარიელია. ამის გაკეთება 3-6 თვეში ერთხელ თქვენს მოწყობილობას საუკეთესო ფორმაში შეინარჩუნებს.
