დარწმუნდით, რომ თქვენი უთო შეერთებულია მუშა შტეფსელში და ორთქლის ფუნქცია ჩართულია. ორთქლის ფუნქციის მართვის ელემენტი შეგიძლიათ იპოვოთ ციფერბლატზე, სახელურზე ან ღილაკზე. ორთქლის ფუნქციის შესახებ დამატებითი ინფორმაციისთვის იხილეთ თქვენი მომხმარებლის სახელმძღვანელო. თუ ვერ პოულობთ სახელმძღვანელოს, ჩამოტვირთეთ ის პროდუქტის მოდელის ნომრის მიხედვით.
თუ პრობლემა ვერ მოგვარდება, ნახეთ, ხომ არ დაგეხმარებათ რომელიმე ქვემოთ ჩამოთვლილთაგან ამ პრობლემის გადაჭრაში.
შეამოწმეთ, ხომ არის თქვენს უთოში საკმარისი წყალი
შესაძლოა ავზში არ არის დარჩენილი საჭირო რაოდენობის წყალი. შეავსეთ ის მაქსიმალურ დონემდე.
შეამოწმეთ ტემპერატურის პარამეტრი
უთო საკმარისად უნდა გათბეს იმისათვის, რომ წყალი ორთქლად გადაიქცეს. გამოყენებამდე დაელოდეთ რამდენიმე წუთი თქვენი უთოს გაცხელებას. შეამოწმეთ მომხმარებლის სახელმძღვანელო და დარწმუნდით, რომ უთოს ტემპერატურა საკმარისად მაღალზეა დაყენებული იმისათვის, რომ ორთქლის ფუნქციამ იმუშაოს. თუ ვერ პოულობთ სახელმძღვანელოს, ჩამოტვირთეთ ის პროდუქტის მოდელის ნომრის მიხედვით.
ნუ გამოიყენებთ ზედმეტ დატვირთვას ორთქლის ფუნქციაზე
შესაძლოა დროის მოკლე მონაკვეთში ორთქლის ფუნქცია ძალიან ხშირად გამოიყენეთ. გააგრძელეთ დაუთავება ჰორიზონტალურ მდგომარეობაში და დაელოდეთ ცოტა ხანი, სანამ კვლავ გამოიყენებთ ორთქლის ფუნქციას.
გაწმინდეთ უთოს ძირი
დროთა განმავლობაში თქვენი უთოს ძირზე შეიძლება წარმოიშვას წებოვანი ნივთიერება, რაც ხელს უშლის ორთქლის გამოშვებას.
უფრო მსუბუქ შემთხვევებში გაწმინდეთ ძირი სველი ჩვრით. დააყენეთ თქვენი უთო ყველაზე დაბალ ტემპერატურაზე და დაელოდეთ მის გაცხელებას. დაასველეთ ჩვარი წყლიან თასში და გაწურეთ კარგად. შეგიძლიათ თასში დაამატოთ რამდენიმე წვეთი ჭურჭლის სარეცხი საშუალება.
გამორთეთ მოწყობილობა შტეფსელიდან და გაწმინდეთ უთოს ძირი სველი ჩვრით, რათა მოაშოროთ მას წებოვანი ნივთიერება ან კირი. არ შეეხოთ უთოს ძირს შიშველი ხელებით. გააშრეთ უთო ხელახლა გამოყენებამდე.
თუ ეს პროცედურა არაეფექტური იქნება, დააყენეთ უთო მაქსიმალურ ტემპერატურაზე და დააცადეთ გაცხელება. გამორთეთ ორთქლის ფუნქცია და გაუსვით ქაღალდის ფურცელზე ან ქაღალდის ხელსახოცზე ნადების ან კირის მოსაშორებლად.
არ გამოიყენოთ აბრაზიული სარეცხი ან საწმენდი საშუალებები, როგორიცაა ლითონის სახეხები ან ლითონის ბურბუშელა, ვინაიდან უთოს ძირი გაცვდება და შეიძლება დაიკაწროს.
გამოიყენეთ თვით-წმენდის ფუნქცია
Beko-ს ორთქლის გენერატორის მქონე ბევრ უთოს აქვს თვითწმენდის ფუნქცია კირის ნაწილაკების მოსაშორებლად, რომლებიც დროთა განმავლობაში გროვდება. გამოიყენეთ ეს ფუნქცია 2-3 კვირაში ერთხელ. თუ ონკანის წყალი ძალიან ხისტია ან თუ უთოს ძირიდან გამოდის კირის ნაწილაკები, უფრო ხშირად გამოიყენეთ ის. ეს გაახანგრძლივებს თქვენი უთოს ექსპლუატაციის ვადას.
შეავსეთ თქვენი უთო წყლით, ჩართეთ ის და გააცხელეთ. როცა თერმოსტატის ინდიკატორი ნათურა გამოირთვება, გამორთეთ ის შტეფსელიდან. დაიჭირეთ თქვენი უთო ონკანის ნიჟარის ზემოთ და შეარხიეთ ისე, რომ თითი დაჭერილი გქონეთ კირის მოშორების ღილაკზე. განაგრძეთ, სანამ წყალი სულ არ დაიცლება, შემდეგ აუშვით ღილაკს. ამას სულ რამდენიმე წუთი დასჭირდება.
გააცივეთ უთო ვერტიკალურ პოზიციაში. მოწმინდეთ უთოს ძირი ქსოვილით.
გაითვალისწინეთ ტექნიკური პრობლემები
თუ პრობლემა არ მოგვარდება, შესაძლოა თქვენს უთოს ჰქონდეს ტექნიკური პრობლემა. ასეთ შემთხვევაში, დაუკავშირდით კვალიფიციურ მომსახურების აგენტს.
