ღუმელი საკმაოდ მძლავრი მოწყობილობაა, რომელმაც ათწლეულზე მეტ ხანს უნდა გაძლოს, მაგრამ ამისათვის საჭიროა მისი კარგად მოვლა. ღუმელის სისუფთავე ოქროს წესია, თუმცა ამ სტატიაში მოცემულია რამდენიმე მინიშნება ღუმელის მოვლის საუკეთესო გზების შესახებ.
01.
გაასუფთავეთ ღუმელი
სუფთა ღუმელი ბედნიერი ღუმელია, მაგრამ მოდით ვაღიაროთ, რომ ღუმელის გაწმენდა ერთ-ერთი ყველაზე საშინელი საოჯახო საქმეა. გაწმინდეთ შხეფები რაც შეიძლება სწრაფად, ან როგორც კი ღუმელი საკმარისად გაგრილდება! საჭმლის შხეფების უყურადღებოდ დატოვება დროთა განმავლობაში შეამცირებს ღუმელის ეფექტურობას და შეიძლება წარმოქმნას კვამლიც კი.
02.
გასაწმენდად გამოიყენეთ სწორი ხელსაწყოები
კამერის გასაწმენდად ყოველთვის გამოიყენეთ ღრუბელი და თქვენი ბრენდის მიერ რეკომენდებული ღუმელის საწმენდი საშუალება; უხეშმა ქიმიურმა ან აბრაზიულმა საშუალებებმა შეიძლება დააზიანოს ამონაფენი. თუ იძულებული ხართ გახეხოთ ჯიუტად ჩამჯდარი საჭმელი ან ცხიმი, გამოიყენეთ პლასტმასის სახეხი და არა ლითონის იმისათვის, რომ არ დააზიანოთ კამერის ამონაფენი.
03.
იშვიათად გამოიყენეთ პიროლიტიკური თვითწმენდა
რამდენადაც პიროლიტიკური თვითწმენდა მოსახერხებელი ფუნქციაა, რომელიც აგაცილებთ ღუმელის წმენდის „ტკივილს“, ღუმელი უნდა გახურდეს მაღალ ტემპერატურამდე და საჭმლის ნარჩენი უნდა დანახშირდეს. ეს საკმაოდ დიდ დატვირთვას ახდენს ღუმელზე და მის გამაცხელებელ ელემენტებზე, ამიტომ ეცადეთ გაწმინდოთ ღუმელი კარგად გამოცდილი ძლიერი ხელით, რაც შეიძლება ხშირად.
04.
ყურადღება მიაქციეთ კარის მამჭიდროვებლებს
თუ შენიშნავთ, რომ მამჭიდროვებლები კარის გარშემო დაიბზარა ან დაიხა, შეცვალეთ ისინი. კარის დამტვრეული მამჭიდროვებლები ვეღარ დაიჭერს სითბოს და ღუმელს მოუწევს მეტი დატვირთვით მუშაობა სასურველი ტემპერატურის შესანარჩუნებლად.
05.
არ დააფინოთ ფოლგა კამერაში
არ დააფინოთ ფოლგა ღუმელის ძირზე საჭმლის შხეფებისა და ცხიმისგან დასაცავად. ფოლგის ვერცხლისფერი ზედაპირი ირეკლავს სიცხეს, რაც ხელს უშლის სითბოს განაწილებას ღუმელში. ფოლგამ ასევე შეიძლება შეაფერხოს ვენტილატორის მუშაობა ღუმელის შიგნით.
აი, სულ ეს იყო! თქვენი ღუმელი არც ისე მომთხოვნია. თქვენ უნდა იზრუნოთ მხოლოდ მის სისუფთავეზე მცირეოდენი TLC-ით, ხოლო ის წლების განმავლობაში მოგემსახურებათ თქვენი კულინარიული შედევრების შესაქმნელად.
