მაშინ, როცა ღუმელი შეიძლება მნიშვნელოვანი იყოს თქვენი კულინარიული ქმნილებების გაცოცხლებისთვის, ღუმელის წმენდა ერთ-ერთი ყველაზე არასასურველი საოჯახო საქმეა. ეს სახელმძღვანელო აგიხსნით ღუმელის გასუფთავების საუკეთესო გზას და გაგაცნობთ Beko-ს ზოგიერთ ჭკვიან ტექნოლოგიას, რომელიც მთელ ამ სირთულეს ბევრად უფრო ასატანს ხდის.
გაწმინდეთ ის რეგულარულად
თუ გაქვთ ტრადიციული ღუმელი, მთავარია ის რეგულარულად გაწმინდოთ. ცხიმი და საკვების ნარჩენები შეიძლება სწრაფად დაგროვდეს და რაც უფრო მეტს ამზადებთ, მით უფრო ჩამჯდარი ხდება. მოწმინდეთ ჩაღვრილი სითხე და შხეფები, სანამ გაშრება და ღუმელი ყოველი გამოყენების შემდეგ გაწმინდეთ.
ამოიღეთ ყველა მოხსნადი ნაწილი, როგორიცაა ხონჩები და თაროები
შიდა ნაწილის გაწმენდა
ასე რომ, ყოველი გამოყენების შემდეგ, ამოიღეთ თაროები და ხონჩები და კარგად გაწმინდეთ ღრუბელითა და არააბრაზიული სარეცხი საშუალებით. გვერდითი თაროები ასევე მოსახსნელია. ამ ნაწილების გარეცხვა ჭურჭლის სარეცხ მანქანაში ასევე უმეტესად უსაფრთხოა.
ახლა შეგიძლიათ ღუმელის ღრუს ზედაპირები კარგად გაწმინდოთ ღრუბლით, კვლავ არააბრაზიული საწმენდი საშუალებით.
გარედან წმენდა: მართვის პანელი, ღილაკები და ღუმელის კარი
მეტი ყურადღება მიაქციეთ კარის გარშემო, რადგან სწორედ აქ შეიძლება დაგროვდეს ცხიმი.
თუ ძალიან დიდ ხანს არ გაწმენდთ, მაშინ გამუდმებული ძალისხმევაც კი შეიძლება არ აღმოჩნდეს საკმარისი არსებული ცხიმის მოსაშორებლად! ბაზარზე არსებობს ღუმელის საწმენდი კომპლექტების მთელი სპექტრი, მაგრამ ისინი შეიცავს ძლიერ ქიმიკატებს, რომელთა დამუშავებაც საკმაოდ უსიამოვნოა. გპირდებით, რომ ნამდვილდ ღირს, ღუმელის ყოველი გამოყენების შემდეგ გაწმენდა ჩვევად აქციოთ.
დღესდღეობით, ტექნოლოგიებს შეუძლია, თავიდან აგაცილოთ ღუმელის გაწმენდისგან გამოწვეული ყველა სირთულე, Beko-ს ღუმელის ასორტიმენტი კი უამრავ პატარა მოსახერხებელ ხრიკს მოიცავს.
ისარგებლეთ თვითწმენდის პროგრამებით
თუ თვითგამწმენდი ღუმელების შესახებ არ გსმენიათ, გაეცანით პიროლიტიკურ წმენდას, ორთქლით წმენდას და კატალიტიკურ პანელებს.
პიროლიტიკური წმენდა ამ სამიდან ყველაზე მკაცრია. ის ღუმელს 480 ℃-მდე აცხელებს და საკვების და ცხიმის ჯიუტ ნაწილაკებს ფერფლად აქცევს. მხოლოდ ისღა დაგრჩენიათ, რომ ციკლის დასრულების შემდეგ დარჩენილი ნაცარი გამოწმინდოთ.
ორთქლით წმენდის ფუნქციები ადვილად მოსაშორებელს ხდის ცხიმსა და საკვების ნაწილაკებს ღრუში ორთქლის შეყვანით. ზოგიერთი ფუნქციისთვის საჭიროა, რომ ხონჩაზე წყალი დაასხათ. დასუფთავების ტექნოლოგიები, როგორიცაა SteamShine® და SteamShine+® შესანიშნავი საშუალებაა თქვენი ღუმელის გასაწმენდად მკაცრი ქიმიკატების გარეშე.
კატალიტიკური პანელები შთანთქავს ცხიმებს და იყენებს ჭკვიან ქიმიას, რათა იგი ადვილად გასასუფთავებელ ნარჩენად აქციოს, ღუმელის მუშაობის დროს.
ყურადღება მიაქციეთ კარის დიზაინს
კარის დიზაინი საოცრად მოქმედებს იმაზე, თუ რამდენად ადვილია თქვენი ღუმელის გაწმენდა, მაგრამ Beko-მ ამაზეც იზრუნა. PractiClean ფუნქცია საშუალებას გაძლევთ, კარი შიგნიდან გაწმინდოთ ჭანჭიკების მოხსნით, რის შემდეგაც რჩება იდეალურად ბრტყელი ზედაპირი გასაწმენდად. CleanZone® ფუნქცია ფარავს კარს სპეციალური ოლეოფობური საფარით, რომელიც ხელს უშლის ჭუჭყის დაგროვებას.
ასე რომ, სუფთა ღუმელის საიდუმლო ცოტა დისციპლინაც არის, მაგრამ თუ გაგიმართლათ, შესაძლოა თქვენს მოწყობილობას სახელურზე რამდენიმე ხრიკი ჰქონდეს მითითებული, რათა საქმე გაადვილოთ.
