თუ თქვენი სარეცხი მანქანა წყალს არ ცლის, თქვენი სარეცხი სათანადოდ ვერ გაირეცხება. რამდენიმე მიზეზი არსებობს, რის გამოც თქვენი სარეცხი მანქანა შეიძლება არ ცლიდეს წყალს. გთხოვთ იხილოთ, ხომ არ დაგეხმარებათ ქვემოთ ჩამოთვლილთაგან რომელიმე ამ პრობლემის გადაჭრაში.
ნახეთ, ხომ არ არის ტუმბოს ფილტრი ჭუჭყიანი ან გაჭედილი
ყველაზე შესაძლო მიზეზია დაბინძურებული ტუმბოს ფილტრი. ტუმბოს ფილტრი უნდა გაიწმინდოს ყოველ სამ თვეში ერთხელ ან როცა გაიჭედება. ეს ფილტრი დამონტაჟებულია ღილებისა და ხურდების მსგავსი უცხო საგნების აღმოსაჩენად და სადრენაჟე შლანგში მათი შეღწევის პრევენციისათვის. ის მოთავსებულია თქვენი სარეცხი მანქანის ქვედა მარჯვენა კუთხეში.
ტუმბოს ფილტრის გასაწმენდად გახსენით თავსახური და მოქაჩეთ სადრენაჟე შლანგი თქვენსკენ. გაითვალისწინეთ, რომ ტუმბოში შეიძლება დარჩენილი იყოს წყალი. დადეთ თასი შლანგის ბოლოსთან და მოამზადეთ პირსახოცები, როცა ამოიღებთ ფილტრს. მოხსენით პატარა შლანგის ბოლოში არსებული თავსახური და გამოუშვით წყალი დასაწრეტად. შემდეგ გადაატრიალეთ ფილტრი საათის ისრის საპირისპირო მიმართულებით, რათა მოხსნათ იგი. გარეცხეთ იგი ონკანის ქვეშ თბილი წყლით.
შეამოწმეთ ფილტრის ღრუ, რათა ნახოთ, რამე ჭუჭყი, მონეტა ან ღილი ხომ არ არის ჩარჩენილი. გაწმინდეთ დატენიანებული ტილოთი და ხელახლა დაამაგრეთ ნაწილაკების ფილტრი და სადრენაჟე შლანგის თავსახური. დააბრუნეთ შლანგი თავის ადგილზე და დაახურეთ თავსახური.
შეამოწმეთ, სადრენაჟე შლანგი მოკეცილი ან გაბიდნული ხომ არ არის
თქვენს სარეცხ მანქანას და დრენაჟს შორის არსებული შლანგი არ უნდა იყოს გადაღუნული ან გაჭედილი. შეამოწმეთ შლანგი და საჭიროების შემთხვევაში, გაასუფთავეთ ან გაასწორეთ. სხვა შემთხვევაში წყალი შეიძლება ვერ დაიწრიტოს ბოლომდე დოლურადან.
დარწმუნდით, რომ ჩამდინარე წყალი არ ბრუნდება უკან დოლურაში
თუ ტუმბოს ფილტრს ან დრენაჟის შლანგს პრობლემები არ აქვს, შესაძლოა დაწრეტილი წყალი ბრუნდება დოლურაში. ჩამდინარე წყლის მანქანაში შებრუნების თავიდან ასაცილებლად, გააკეთეთ შემდეგი:
- სადრენაჟე შლანგი მომჭერით მიამაგრეთ სარეცხი მანქანის უკან მიერთებული შლანგების ზევით. არ მოხსნათ შლანგი თავისი მომჭერიდან.
- დარწმუნდით, რომ სადრენაჟე შლანგი შეერთებულია ჩამდინარე წყლის გამომშვებზე იატაკიდან მინიმუმ 40 სმ და მაქსიმუმ 100 სმ-ზე.
- შეამოწმეთ, რომ შლანგი დაახლოებით 15 სმ-ით არის შესული სადრენაჟე ხვრელში. თუ ის ძალიან გრძელია, დაამოკლეთ.
