რამდენიმე მიზეზი შეიძლება არსებობდეს, რის გამოც პროდუქტი შრება თქვენს მაცივარში ან საყინულეში. გთხოვთ, იხილოთ, ხომ არ დაგეხმარებათ ქვემოთ ჩამოთვლილთაგან რომელიმე ამ პრობლემის გადაჭრაში.
სწორად შეინახეთ საკვები
სითხეებმა ან სითხის შემცველმა საკვებმა შეიძლება ხელი შეუწყოს შიგნით ტენის წარმოქმნას. ასევე, ისეთი საკვები, როგორიცაა სალათი ან ხილი, გამოყოფს ტენს მოწყობილობის შიგნით, როდესაც ცივდება. ტენი საკვების გაფუჭების ნომერ პირველი მიზეზია. ამის თავიდან ასაცილებლად, შეფუთეთ აღნიშნული პროდუქტი ქაღალდის ხელსახოცში და ყოველთვის შეინახეთ დალუქულ, სამაცივრე და ტენგამძლე კონტეინერებში ან შეფუთვაში.
დაარეგულირეთ ტენიანობის ვენტილატორები ხილისა და ბოსტნეულის შესანახ კონტეინერში
მაცივრის კონტეინერები შექმნილია პროდუქტის ცოცხლად შესანახად ტენიანობის შენარჩუნების ხარჯზე. კონტეინერების უმეტესობას რეგულირებადი ვენტილატორები აქვს სხვადასხვა სახის პროდუქტის უკეთ შესანახად.
თხელკანიანი ან ფოთლოვანი მცენარეები უნდა შეინახოთ ბევრად ტენიან გარემოში და ამის მიღწევა შესაძლებელია ვენტილატორების დაკეტვით.
ხილის უმრავლესობა დიდხანს ძლებს მშრალ გარემოში, ამიტომ ისინი ნაკლებად ტენიან ნაკვეთურებში უნდა შეინახოთ, სადაც ვენტილატორები ღიაა.
იმის მიხედვით, რას ინახავთ, ტენიანობის ცირკულირების იდეალური დონეების მისაღწევად, დაარეგულირეთ ვენტილატორები.
შეამოწმეთ ტემპერატურის პარამეტრი
დარწმუნდით, რომ ტემპერატურა ძალიან დაბალზე არ არის დაყენებული. მაცივრისთვის იდეალური ტემპერატურა დაახლოებით 4-5 °C-ია, ხოლო საყინულის განყოფილებისთვის -18 °C.
დარწმუნდით, რომ შიდა ტემპერატურა შეესაბამება ტემპერატურის პარამეტრს
საუკეთესო გზა თქვენს მაცივარში რეალური ტემპერატურის გასაზომად არის ზუსტი თერმომეტრი.
ჩადეთ თერმომეტრი წყლიან ჭიქაში და მოათავსეთ სამაცივრე განყოფილებაში. საყინულის ტემპერატურის შესამოწმებლად გაიმეორეთ იგივე თერმომეტრით, რომელიც ალკოჰოლში ან საჭმელ ზეთშია მოთავსებული (რადგან წყალი გაიყინება).
გააჩერეთ თერმომეტრი მაცივარში ან საყინულეში ცოტა ხნით. შემდეგ ნახეთ ტემპერატურა და დარწმუნდით, რომ ის შეესაბამება იმ ტემპერატურას, რომელიც დაყენებული იყო მოწყობილობაში. თუ მაცივარი იმაზე ცივი ან თბილია, ვიდრე უნდა იყოს, ის ალბათ ტექნიკურად გაუმართავია. ასეთ შემთხვევაში, დაუკავშირდით კვალიფიციურ მომსახურების აგენტს.
