არსებობს რამდენიმე მიზეზი იმისა, თუ რატომ არ მუშაობს თქვენი მაცივრის წყლის დისპენსერი სათანადოდ. გთხოვთ, იხილოთ, ხომ არ დაგეხმარებათ ქვემოთ ჩამოთვლილთაგან რომელიმე ამ პრობლემის გადაჭრაში.
დარწმუნდით, რომ წყლის ავზი სავსეა (მოდელები მილსადენის შეერთების გარეშე)
მილსადენის შეერთების არმქონე მოდელებიდან წყლის ჩამოსხმა ხდება მათი ავზიდან. ავზი უნდა შეავსოთ ხელით, რათა თქვენი მოწყობილობიდან შეძლოთ წყლის მიღება.
შეამოწმეთ წყლის შეერთება (მილსადენის შეერთების მქონე მოდელები)
თუ თქვენი მაცივარი მილსადენის შეერთების მქონე მოდელია, წყლის შეერთებაში დაბრკოლებამ ან წყვეტამ შესაძლოა გამოიწვიოს მაცივრის მიერ წყლის ჩამოსხმის შესაძლებლობის შემცირება ან შეჩერება. ისინი შეიძლება განსხვავდებოდეს მოდელის მიხედვით. დაიცავით მომხმარებლის სახელმძღვანელოში მითითებული ინსტრუქციები იმისათვის, რომ ნახოთ, როგორ და სად უნდა იყოს შეერთებები. თუ ვერ პოულობთ სახელმძღვანელოს, ჩამოტვირთეთ ის პროდუქტის მოდელის ნომრის მიხედვით. შეამოწმეთ, რომ ხსენებული შეერთებები სწორად არის გაკეთებული და არაფერი უშლის ხელს.
შეამოწმეთ, რომ არ არის წყვეტა წყლის მიწოდებაში
მილსადენის შეერთების მქონე მოდელები წყალს უშვებენ წყლის ძირითადი მილსადენებიდან. შეამოწმეთ, მოედინება თუ არა წყალი ონკანში თქვენს სახლში. ჩართეთ ის, თუ ეს საჭიროა. თუ ონკანიდან წყალი არ მოდის, მიმართეთ კვალიფიციურ სანტექნიკოსს.
გამოათავისუფლეთ ჰაერი წყალგამყოფ ხაზში
წყლის დისპენსერისთვის საჭიროა წყალგამყოფ ხაზში მოქცეული ჰაერის გამოშვება, როცა მას პირველად აერთებთ ან ყოველთვის, როცა წყლის ფილტრი იცვლება.
მოათავსეთ დიდი კონტეინერი წყლის დისპენსერის ქვეშ და დააჭირეთ და აუშვით ხელი სახელურს 5 წამიანი ინტერვალებით. გაიმეორეთ ეს პროცედურა, სანამ წყალი არ დაიწყებს გამოსვლას. მას შემდეგ, რაც წყალი დაიწყებს გამოსვლას, განაგრძეთ ხელის დაჭერა დისპენსერის ნიჩაბზე მანამ, სანამ 15 ლიტრი წყალი მთლიანად არ ჩამოიცლება კონტეინერში. ეს გამოიწვევს ჰაერის გამოდევნას ფილტრისა და წყლის ჩამოსხმის სისტემიდან და შეძლებთ სუფთა და ახალი სასმელი წყლის მიღებას.
შეამოწმეთ წყლის წნევა
მილსადენის შეერთების მქონე მაცივრებს სჭირდებათ სათანადო წნევა წყლის ჩამოსასხმელად. მოხსენით წყლის ფილტრი და იხილეთ, შეუძლია თუ არა თქვენს მოწყობილობას წყლის ჩამოსხმა. ფილტრის მოხსნისას წაიკითხეთ მოწყობილობის მომხმარებლის სახელმძღვანელო. თუ ვერ პოულობთ სახელმძღვანელოს, ჩამოტვირთეთ ის პროდუქტის მოდელის ნომრის მიხედვით.
გაითვალისწინეთ ტექნიკური პრობლემები
თუ პრობლემა არ მოგვარდება, შესაძლოა თქვენს მაცივარს ჰქონდეს ტექნიკური პრობლემა. ასეთ შემთხვევაში, დაუკავშირდით კვალიფიციურ მომსახურების აგენტს.
