03.
Урьдчилан зайлах шаардлагагүй, харин аяга тавгаа хөнгөхөн хусаж цэвэрлэ
Бидний ихэнх нь төхөөрөмжид хийхээсээ өмнө аяга тавгаа бараг цэвэрхэн болтол нь зайлж угаадаг зуршилтай байдаг. Сүүлийн үеийн төхөөрөмжүүд нь хоолны хог хаягдал болон үлдэгдлийг бүрэн цэвэрлэх хангалттай чадалтай тул энэ нь ус дэмий урсгасан хэрэг юм. Зүгээр л хоолны үлдэгдлийг нь хамаж хусаад, үлдсэнийг нь аяга таваг угаагч машиндаа хийгээрэй.
04.
Зөв програмыг сонго
Орчин үеийн дийлэнх аяга таваг угаагч машинууд нь мэдрэгч ашиглан таны аяга таваг хэр бохирдсоныг илрүүлдэг "автомат" программтай байдаг. Энэ нь тухайн ачаалалд тохирсон усны температур болон хэмжээг нь тохируулж чаддаг байна.
Хэрэв таны төхөөрөмж мэдрэгчгүй бол энгийн болон эрчимтэй угаалгын программтай байх нь мэдээж. Эрчимтэй угаалгын программ нь их бохирдолтой аяга тавганд тохиромжтой боловч илүү их эрчим хүч болон ус зарцуулагддаг тул бохирдол багатай аяга таваг угаахдаа бүү ашиглаарай.
Маш олон төхөөрөмжүүдэд эрчим хүч болон усны хэрэглээг 25-30% бууруулдаг "эко" программ байдаг. Эдгээрт илүү урт хугацаа шаардагддаг бөгөөд зөвхөн бүрэн ачаалалсан буюу дүүргэсэн үед л ашиглах нь үр ашигтай байна.
05.
Шөнийн эрчим хүчний тарифын давуу талыг ашигла
Ихэнх эрчим хүчний тариф өдрийн тодорхой цагт, ихэвчлэн ачаалал багассан үед цахилгааны хямд үнийг санал болгодог тул аяга таваг угаагчаа ажиллуулахдаа санах хэрэгтэй. Хэрэв таны төхөөрөмж хойшлуулж эхлүүлэх эсвэл цаг заах функцтэй бол бүр ч амар байх болно.
Эдгээр зөвлөмжийг дагаснаар та аяга таваг угаагч машинаа ашиглан эрчим хүч хэмнэж байгаагийн адил өөрийн цагаа ч мөн хэмнэх болно.