Зайлагч болон аяга таваг угаагчийн давс зэрэг нь аяга таваг угаагч машины угаах, хатаах үйлдлийн үр дүнг нэмэгдүүлэхэд туслагч бодиснууд юм. Аяга таваг угаагч давс нь нунтаг хэлбэрээр зарагддаг бөгөөд энэ нь аяга таваг угаагчийн дотоод ус зөөлрүүлэгч хэсгийг цоргоны усны хатуулгийг багасгахад нь тусалдаг. 

Цоргоны усны хатуулгийн түвшинг хэмжихийн тулд хэрэглэгчийн гарын авлага дээрх зааврыг дагана уу. Хэрэв та гарын авлагаа олоход асуудалтай байгаа бол бүтээгдэхүүнийхээ загварын дугаарыг ашиглан эндээс татаж авна уу.

Хэрэв таны усан хангамж зөөлөн (<5dH) байвал давс бүү хэрэглээрэй. Учир нь давс нь шилэн саванд зураас эсвэл зэврэлт үүсгэж болзошгүй. Хэрэв усан хангамж илүү хатуулаг бол аяга таваг угаагчийн давс хэрэглэхийг зөвлөж байна.Аяга таваг угаагч дээрх давсны гэрэл асвал энэ нь давсаа дахин дүүргэх цаг болсныг илтгэнэ. Давсны сав нь таны төхөөрөмжийн дотор талд, доод талын аяга тавагны тавиурын зүүн доод хэсэгт байрладаг. Үүнийг ашиглахын тулд доод талын тавиурыг сугалан авч, давсны савны хамгаалалтын тагийг авна. Давсны савны дээд хэсэгт хүртэл давсаа дүүргээд тагийг нь таглана.

Аяга таваг угаагчийн давсны саванд ус агуулагдах бөгөөд савыг давсаар дүүргэх үед ус хальж асгарч болно. Мөн савыг давсаар дүүргэх үед төхөөрөмж дотор давс асгарч болно. Аяга таваг угаагч савны доторх сул давс нь шилэн саванд зураас үүсгэж магадгүй. Давсны савыг дүүргэхдээ Beko аяга таваг угаагч машинд дагалддаг юүлүүрийг ашиглах нь давсны асгарахыг багасгах ба гадуур нь хальсан ус болон давсны нунтгийг заавал арчиж авах хэрэгтэй. Давсны савны тагийг дүүргэснийхээ дараа сайтар таглана. Төхөөрөмжийн дотор давс сул асгарсан тохиолдолд угаалтын өмнөх программ, эсвэл хамгийн богино программыг тохируулан ажиллуулж давсыг цэвэрлэнэ. Тагны доорх давсны нунтаг нь угаахын өмнөх программын явцад уусан тагийг сулруулж болно. Иймд программын төгсгөлд тагийг шалган сайтар хаана уу.

Зайлагч болон аяга таваг угаагчийн давс зэрэг нь аяга таваг угаагч машины угаах, хатаах үйлдлийн үр дүнг нэмэгдүүлэхэд туслагч бодисууд юм. Сүүлчийн зайлалтын үед зайлагч бодис нь аяга тавагны гадаргуугаас усыг зайлуулж, хатаах үйл явцад тусалдаг. Энэ нь аяга тавган дээр усны дусал хатаж, усны толбо үлдээхээс сэргийлнэ.

Аяга таваг угаагч дээрх зайлагчийн гэрэл асвал энэ нь зайлагчаа дахин дүүргэх цаг болсныг илтгэнэ. Зайлагчийн сав нь таны төхөөрөмжийн хаалган дотор, угаалгын бодисын савны хажууд байрладаг. Савны хаалтыг нээн зайлагч бодисоо дүүртэл нь хийгээд хаалтыг хаана. 

Хэрэв та аяга таваг угаагчийнхаа циклийг хойшлуулахыг хүсвэл аяга таваг угаагч дээрээ сонгосон программын эхлэх эсвэл дуусах цагийг хойшлуулан тохируулж болно (таны төхөөрөмжийн загвараас хамааран өөр өөр байна). Энэ нь тухайн өдрийн тодорхой цагт тог эсвэл усны тариф бага гардаг бол тун ашигтай байдаг тохиргоо юм.

Хойшлуулах программыг тохируулахын тулд аяга таваг угаагчаа ачаалан, хүссэн нэмэлт горимын хамт уг программыг сонгоно. Хугацааг хойшлуулах горимын товчлуур /Time Delay/-ыг дарж төхөөрөмжөө хэзээ эхлүүлэхийг хүсэж байгаагаа тохируулна. Төхөөрөмжийнхөө хаалгыг хаана. Тохируулсан хугацаа дууссаны дараа таны сонгосон программ автоматаар эхлэх болно. Хугацааг хойшлуулах горим идэвхтэй байгаа үед та угаах горим, нэмэлт горим болон хойшлуулсан хугацаанд өөрчлөлт оруулах боломжгүй юм.

Хугацааг хойшлуулах горимын товчлуур /Time Delay/-ыг цуцлахдаа аяга таваг угаагчийн хаалгыг нээн, горим сонгох болон горимыг унтраах /Programme Selection/Programme Cancel/ товчнуудыг нэгэн зэрэг гурван секундийн турш дарна. Дараа нь төхөөрөмжийн хаалгыг хаагаад ус зайлуулах үйл явц дуустал хүлээнэ.

Илүү дэлгэрэнгүй мэдээлэл авахыг хүсвэл манай Beko аяга таваг угаагчийн горимууд болон онцлогуудын талаарх гарын авлагыг үзнэ үү. 

Аяга таваг угаагч машинд тусгайлан зориулсан угаалгын бодис хэрэглэхээ бүү мартаарай. Аяга таваг угаагч угаалгын бодисын гурван төрөл байдаг:

- Мөхлөг эсвэл нунтаг угаалгын бодис

- Таблеткан эсвэл савлагаат гель

- Шингэн эсвэл гелэн угаалгын бодис

Аяга таваг угаагч шингэн, гарын саван, цайруулагч, цуу болон бусад химийн бодис зэргийг ямар ч тохиолдолд хэрэглэж болохгүй. Учир нь эдгээр бүтээгдэхүүнүүд нь аяга таваг угаагчийн ажиллагааг бууруулж, металл хэсгүүдийг зэврүүлж, бүр цаашилбал таны төхөөрөмжийн ашиглалтын хугацааг богиносгодог.

Аяга таваг угаагчинд хийхээсээ өмнө угаах зүйлийнхээ үйлдвэрлэгчийн зааврыг шалгана уу. Харамсалтай нь бүх шошго дээр энэ төрлийн мэдээлэл байдаггүй.

Дүрмийн дагуу бол аяга таваг угаагч машинд наасан эд ангитай сав суулганууд, гараар будсан аяга таваг, алт болон мөнгөн оруулгатай шаазан эдлэл зэргийг хийхээс зайлсхийх шаардлагатай байдаг. Мөн хөнгөн цагаан тогоо эсвэл хөнгөн цагаанаар бүрсэн сав зэрэг нь таны шилэн эдлэлд зэврэлт үүсэх шалтгаан болж болно.

Аяга таваг угаагчинд угаахаас зайлсхийх хэрэгтэй нийтлэг гал тогооны хэрэгслүүдийн жагсаалтыг доор оруулав.

- Цутгамал төмөр

- Болор

- Гар аргаар үлээж, гараар будсан шил

- Модон сав суулга

- Наалддаггүй тогоо

- Зэс тогоо

- Зөөлөн хуванцар

- Хөнгөн цагаан сав суулга

- Нэг удаагийн тугалган хэрэгслүүд

- Алтаар бүрсэн аяга таваг

- Халуунаа барьдаг аяга

- Цавуутай бүх зүйл

- Хятад (гараар будсан эсвэл эртний эдлэл)

- Гараар будсан керамик/чулуун эдлэл

- Паалан

- Хар тугалга

Та магадгүй аяга таваг угаагчинд аяга, таваг сав суулгаа буруу эсхүл хэтрүүлэн хийсэн байж болзошгүй. Ямар ч тохиодолд та аяга таваг, сав суулгаа төхөөрөмжийн хөдөлгөөнт эд ангитай шүргэлцэхээргүйгээр эмх цэгцтэй, жишүү байрлалтайгаар хийсэн байх шаардлагатай.

Хэрэв та аяга тавагнуудаа төхөөрөмжид буруу байрлуулсан бол аяга тавагнууд хоорондоо харших, зураастах эсвэл бүр хоорондоо мөргөлдөн хагарах ч эрсдэл үүсэж болзошгүй юм.

Хэрэв арга хэмжээ авсан боловч асуудал үргэлжилсэн хэвээр байвал та эрх бүхий мэргэжлийн үйлчилгээний байгууллагад хандаарай.