Tharësja juaj bën një punë mjaft të rëndë, duke tharë ngarkesë pas ngarkese të rrobave, kështu që natyrshëm ka nevojë për pak TLC herë pas here. Mbajtja e kësaj pajisjeje të pastër është thelbësore për ta mbajtur atë në punë sa më me efikasitet, prandaj ndiqni këtë udhëzues të dobishëm për t'u siguruar që tharësja juaj po bën punën më të mirë që mundet. 

Pastroni filtrat rregullisht 

Pjesa më e rëndësishme për të mbajtur të pastër tharësen e rrobave janë filtrat e saj-po, ka më shumë se një!   

Filtri i rrobave është ai që kap të gjitha fijet e imëta që vijnë nga rrobat tuaja, dhe do ta gjeni brenda derës. Për ta hequr, thjesht ngrini lartë atë.   

Do të shihni grumbullimin e garzës pas çdo përdorimi, kështu që pastrimi i filtrit pas çdo cikli është një shprehi e mirë për tu përdorur.  

Ju ose mund të hiqni garzët me dorë ose të përdorni një fshesë me korrent në cilësimin e saj më të ulët të energjisë për të pastruar filtrin. Pasi ta keni bërë atë, kthejeni filtrin përsëri në vend. 

Mbajtja e filtrit të pastër është shumë e rëndësishme, pasi që filtri i ndotur bën që makina juaj të punojë më me vështirësi. Kjo do të thotë që rrobave i duhet më shumë kohë për tu tharë, do të shpenzoni më shumë energji elektrike dhe përpjekjet shtesë do të shkurtojnë kohëzgjatjen e  pajisjes tuaj.

Pas kësaj vjen filtri i avulluesit, ose sirtari i filtrit të cilin do ta gjeni pas kapakut në cepin e poshtëm të tharëses. Nëse tharësja juaj është model me kondensatorë, kondensatorin do ta gjeni pas këtij kapaku. 

Hapeni kapakun, pastaj hiqeni filtrin nga shtëpiza. Çdo pajisje është ndryshe, prandaj kontrolloni manualin e përdorimit nëse nuk jeni të sigurt si ta bëni këtë.  

Vetë filtri mund të hapet dhe do të ketë një mbajtëse shkume brenda. Pastroni sipërfaqet e shtëpizës së filtrit ose me dorë ose përsëri me fshesë me korrent, dhe nëse mbajtësi i shkumës duket i ndotur, mund t'i jepni kësaj një shpëlarje nën lavaman. 

Thajeni mbajtësen para se ta vendosni prapë në shtëpizë dhe në tharësen e rrobave. Duhet ta bëni këtë rregullisht pas disa cikleve.   

Zbrazeni rezervuarin e ujit kur është plotë  

Një shprehi tjetër e mirë është që të zbrazni rregullisht rezervuarin e ujit (nëse pajisja nuk është e lidhur në ujësjellës). Këtu deponohet uji i avulluar pasi që tharësja e nxjerr ujin nga rrobat.  

Tharësja e rrobave do të ndriçojë një dritë paralajmëruese që të ju tregojë kur është i mbushur rezervuari, por pse të mos merreni me këtë punë kur pastroni fitrat? 

Pastroni sipërfaqet e jashtme

Mbajtja e sipërfaqeve të jashtme të pajisjes është një marifet. Thjesht përdorni një leckë të butë ose sfungjer me një detergjent jo-gërryes dhe fshijini butë. 

Nëse keni derdhur aksidentalisht ndonjë detergjent ose zbutës në pajisjen tuaj, sigurohuni që ta fshini rrëmujën shpejt pasi këto mund të gërryejnë sipërfaqen. 

Pra, ndiqni këto këshilla dhe tharësja juaj do të jetë në gjendje të mirë për vite të tëra.