Mjeti shpëlarës dhe kripa e enëlarëses janë dy preparate që sigurojnë performancë më të mire të larjes dhe tharjes së enëve. Kripa e enëlarëses shitet në formë granulash dhe ndihmon që njësia e brendshme e zbutësit të enëlarëses të zvogëlojë fortësinë e ujit të çezmës.

Ndiqni udhëzimet në manualin tuaj të përdorimit për të matur nivelin e fortësisë së ujit. Nëse keni vështirësi që të gjeni manualin tuaj, shkarkojeni këtu duke shënuar numrin e modelit të pajisjes tuaj.

Nëse uji juaj është i butë (<5dH), mos përdorni kripë pasi që mund të gërvishtë ose të dëmtojë enët e qelqit. Nëse uji është më i fortë, rekomandohet përdorimi i kripës.

Kur ndizet drita e kripës në enëlarëse, është koha ta rimbushni. Rezervuari i kripës ndodhet në pjesën e brendshme të pajisjes tuaj, poshtë dhe në të majtë të raftit të enës së poshtme. Për të hyrë në të, tërhiqni raftin e poshtëm dhe hiqni kapakun mbrojtës të rezervuarit të kripës. Hidhni kripë derisa të arrijë majën e rezervuarit, pastaj mbyllni kapakun.

Rezervuari i kripës së enëlarëses përmbanë ujë dhe ky ujë mund të derdhet derisa e mbushni rezervuarin me kripë. Kripa gjithashtu mund të derdhet nëpër vaskën e pajisjes dhe të shkaktojë gërvishtjen e enëve të qelqit. Për të minimizuar derdhjen e kripës, përdorni një hinkë që vjen bashkë me pajisjen tuaj Beko, për të hedhur kripën në pajisje dhe fshijeni tërë kripën e derdhur brenda në pajisje. Granulat e kripës nën kapak do të shkrihen gjatë paralarjes dhe mund të shkaktojnë çlirimin e kapakut. Kontrollojeni kapakun në fund të larjes dhe mbylleni mirë. 

Mjeti për shpëlarje dhe kripa e enëlarëses janë preparate që sigurojnë performancën më të mirë të larjes dhe të tharjes së enëve nga enëlarësja juaj. Mjeti shpëlarës shpërndan ujin nga sipërfaqja e enëve tuaja gjatë shpëlarjes përfundimtare dhe ndihmon me procesin e tharjes. Ajo parandalon pikat e ujit që të thahen në enët tuaja dhe nuk lë shenja të ujit.

Nëse ndizet drita e mjetit shpëlarës, është koha që ta rimbushni. Rezervuari i mjetit shpëlarës është i vendosur në pjesën e brendshme të derës së enëlarëses, afër rezervuarit të detergjentit. Hapeni kapakun e rezervuarit, hidhni mjet shpëlarës deri sa të mbushet rezervuari dhe mbylleni kapakun përsëri. 

Nëse dëshironi që enëlarësja të përfundojë ciklin e larjes me vonesë, mund të vononi startin ose të cilësoni kohën e përfundimit të programit të përzgjedhur në enëlarësen tuaj (varësisht nga modeli i pajisjes tuaj). Kjo është posaçërisht e dobishme nëse kostoja e rrymës ose e ujit është më e ulët në një kohë të caktuar të ditës.

Për të cilësuar një program të vonuar, mbusheni pajisjen me enë dhe përzgjidhni programin bashkë me funksionet shtesë. Shtypni butonin e funksionit Time Delay për të cilësuar kur dëshironi që pajisja të fillojë punën. Mbylleni derën e pajisjes. Pasi të përfundojë koha e vonuar, programi i përzgjedhur do të fillojë automatikisht. Derisa funksioni Time Delay është aktiv, ju nuk mund të bëni ndryshime në programin e larjes, nuk mund të përdorni funksione shtesë ose të caktoni periudhë tjetër vonese.  

Për të anuluar funksionin Time Delay, hapeni derën e enëlarëses dhe mbani butonat  Programme Selection/Programme Cancel njëkohësisht për tre sekonda. Pastaj mbylleni derën e pajisjes dhe pritni që të përfundojë procesi i zbrazjes së ujit.

Për më shumë informacione, shikoni udhëzimin e programeve dhe cilësimeve të enëlarëses Beko. 

Përkujdesuni që të përdorni detergjent enkas për enëlarëse. Ekzistojnë tre lloje të detergjentit për enëlarëse:

-Detergjent me granula ose pluhur

- Paketime me tableta ose xhel

- Detergjente të lëngshme ose në formë xheli

Mos përdorni sapun të lëngshëm për larjen e enëve, sapun për larjen e duarve, zbardhues, uthull ose ndonjë kimikat tjetër në asnjë rrethanë, pasi që këto produtke zvogëlojnë performancën e enëlarëses tuaj, shkaktojnë ndryshkjen e pjesëve metalike dhe mund të shkurtojnë kohëzgjatjen e pajisjes tuaj. 

Kontrolloni udhëzimet e prodhuesit para se të futni enët në enëlarëse. Fatkeqësisht, këtë informacion nuk e përmbajnë etiketat e tyre.

Si rregull, mos futni në enëlarëse enët që kanë pjesë të ngjitshme, enët e ngjyrosura me dorë ose enë porcelani me detaje ari ose argjendi. Gjithashtu, tenxheret dhe tiganët e aluminit ose të mbështjellura me alumin mund të shkaktojnë gërvishtjen e enëve të qelqit.

Ja lista e enëve të cilat nuk duhet t’i lani në enëlarese:

- Hekur

- Kristal

- Xham i fryrë me dorë dhe i pikturuar me dorë

- Enë prej druri

- Tava jo ngjitëse

- Tava bakri

- Plastikë e butë

- Enë prej alumini

- Alumin i flakëruar

- Enët me detaje ari

- Kriklla

- Asnjë enë që përmban ngjitës

- Kineze (të ngjyrosura me dorë ose antike)

- Qeramikë e ngjyrosur me dorë/enë guri

- Enë me llak

- Enë të kallajisura