Ekzistojnë disa arsye pse kafeja ka shije të keqe. Ju lutemi shikoni nëse ndonjë nga këshillat në vazhdim mund të ju ndihmojnë të zgjidhni problemin.   

Përdorni ujë të pijshëm ose të destiluar 

Kualiteti i ujit ndikon shumë në shijen e kafesë. Nëse përdorni ujë nga çezma, provoni të përdorni ujë nga shishja ose ujë të filtruar  në vend të kësaj. 

Sigurohuni që uji të mos ketë ndenjur gjatë  

Kafeja humbet aromën me kalimin e kohës. Aq më tepër nëse është e bluar. Për të pasur kafe me një shije më të mirë nga aparati juaj, përdorni kafe me kokrra të freskëta të pjekura dhe të bluara. Përdorimi i mullirit për bluarjen e kafesë para përgatitjes, do të përmirësojë aromën e kafesë. Përkujdesuni që të ruani kafenë në një vend të thatë dhe të ftohtë.  

Sigurohuni që kafeja juaj të jetë bluar për përdorim në aparat kafeje me filtër  

Vrazhdësia e bluarjes së kafesë bën një ndryshim të madh në shije. French press, aparati i espresos ose aparati i kafesë me filtër, të gjithë kërkojnë nivele të ndryshme të bluarjes për të dhënë rezultate më të mira. Nëse kafeja juaj është e dobët, kafeja mund të mos jetë bluar siç duhet. Nëse ka shije të hidhur, kafeja juaj mund të jetë shumë e bluar.  

Pastroni të gjitha pjesët 

Mund të ketë diçka në aparatin e kafesë që ndikon në aromë. Shkëputeni pajisjen nga energjia dhe pastroni të gjitha pjesët që vijnë në kontakt me ujin dhe kafenë. Mbajeni pajisjen të shkyqur nga energjia elektrike gjatë instalimit dhe pastrlimit.  

Pastroni ibrikun e kafesë dhe shportën e filtrit me ujë të ngrohtë dhe me një sasi të vogël të sapunit të butë. Thajini të dyja pjesët mirë para përdorimit. Ndizeni pajisjen një herë pa kafe duke përdorur vetëm ujë dhe pastaj derdheni.