Ka disa arsye pse vjen erë e keqe nga fshesa elektrike. Shikoni nëse diçka nga informacionet në vazhdim mund të ju ndihmojnë të zgjidhni problemin. 

Kontrolloni nëse në enë ose në qesen për pluhur ka diçka që lëshon erë të keqe  

Ndoshta në enë ose në qesen për pluhr gjendet diçka që vjen erë të keqe. Zbrazni enën, respektivisht ndërroni qesen para përdorimit të radhës së fshesës elektrike.  

Kontrolloni nëse furça ose furça rrotulluese është e zënë ose e bllokuar

Ndoshta është bllokuar furnizimi me ajër në shtojcën e furçës ose shtojca me furçë rrotulluese është bllokuar për shkak të papastërtive të grumbulluara. Nëse përdorni fshesë elektrike edhe pse ato pjesë nuk janë tërësisht funksionale, nga pajisja ndoshta do të ndjeni erë të pakëndshme të djegies. Pastroni ato pjesë dhe hiqni tërë papastërtitë e grumbulluara. 

Nëse disa pjesë duhet të çmontohen, shikoni udhëzimin për përdorim sepse modelet e ndryshme mund të kenë udhëzime të ndryshme. Nëse nuk mund ta gjeni udhëzimin, shkarkojeni këtu duke shënuar numrin e modelit të pajisjes.   

Shikoni nëse filtrat janë të bllokuar 

Fletët e filtrit që mbrojnë motorin mund të bllokohen kur në ato grumbullohet shumë pluhur. Pastrojini ose ndërroni në përputhje me udhëzimet nga manuali për përdorim sepse modelet e ndryshme mund të kenë udhëzime të ndryshme. Nëse nuk mund ta gjeni udhëzimin, shkarkojeni këtu duke shënuar numrin e modelit të pajisjes.