Mbështjelljet përfundimtare nga çeliku i pandryshkur në pajisjet tuaja bëjnë që kuzhina juaj të duket elegante, por mirëmbajtja e tyre mund të jetë e vështirë.  

Pavarësisht nëse bëhet fjalë për shenja nga gishtat e yndyrshëm ose mbeturinat e ngjitësit nga vizatimet e fëmijëve në frigorifer, ky udhëzues i vogël do të ju ndihmojë që sipërfaqet tuaja nga çeliku i pandryshkur të shkëlqejnë.  

Për pastrimin e sipërfaqeve nga çeliku i pandryshkur më së miri është të përdorni detergjente më të buta. Mos përdorni produkte të forta, abrazive. Në vend të kësaj, përzgjidhni një leckë të butë ose një sfungjer dhe detergjente për pastrim të destinuara posaçërisht për çelikun e pandryshkur. Edhe uji i ftohtë do të zgjidhë problemin, posaçërisht nëse ia shtoni një lugë të vogël sodë, në gjysmë litre ujë.  

Lagni leckën ose sfungjerin me ujë ose me detergjent për pastrim, pastaj pastrojeni në drejtim të teksturës në sipërfaqe. Nëse shikoni nga afër, mund të shikoni që struktura e kokërrzuar e sipërfaqes nga çeliku i pandryshkur është vertikale ose horizontale.   

Kur fshini sipërfaqet, kalojeni me një leckë të butë, të lafët për të pastruar njollat e ujit. Në fund mund të shtoni disa pika detergjenti për lustrimin  e sipërfaqes nga çeliku i pandryshkur, duke bërë kujdes që të pastroni në drejtim të teksturës.  

Dhe ja, ia dolët… thjesht, përmbajuni këtyre hapave dhe do të keni sipërfaqe nga celiku i pandryshkur të cilat duken të përsosura, edhe atë sa hap e mbyll sytë!