Nëse makina larëse nuk do të kullojë, rrobat tuaja nuk do të pastrohen siç duhet. Ka disa arsye që makina juaj larëse të mos kullojë. Ju lutemi shikoni nëse një nga këshillat në vazhdim do të ju ndihmojnë të zgjidhni problemin.  

Shikoni nëse filtri i pompës është i ndotur ose i bllokuar  

Shkaku më i mundshëm është bllokimi i filtrit të pompës. Filtri i pompës duhet të pastrohet në çdo tre muaj ose kur është i bllokuar. Ky filtër është instaluar për të kapur objekte të huaja si butona ose monedha dhe për të parandaluar që këto sende të hyjnë në zorrën e kullimit. Ndodhet në këndin e poshtëm të djathtë të rrobalarëses tuaj.

Për të pastruar filtrin e pompës, hapni kapakun për të ekspozuar filtrin. Disa modele të rrobalarëseve kanë një zorrë të vogël të mbërthyer pas kapakut për të kulluar ujin brenda filtrit. Të tjerët thjesht shkarkojnë ujin kur filtri nxirret jashtë. Në të dy rastet, është një ide e mirë të vendosni një tas ose disa peshqirë poshtë filtrit.  

Nëse shihni një zorrë, nxirreni dhe hiqeni nga priza dhe prisni që të rrjedhë i gjithë uji. Nëse jo, kthejeni filtrin në drejtim të akrepave të orës dhe tërhiqeni atë. Hiqni papastërtitë, flokët ose objektet e huaja nga filtri. Pastaj jepni një shpëlarje nën rubinetë.  

Kontrolloni hapësirën e filtrit për të parë nëse ndonjë ndotje, monedha ose butona kanë ngecur në të. Pastrojeni me një leckë të lagur. Në fund, zëvendësojeni dhe siguroni filtrin duke e rrotulluar në drejtim të akrepave të orës, dhe kthejeni kapakun prapë në vend.  

Shikoni nëse zorra e kullimit është lakuar ose është bllokuar  

Zorra në mes të makinës dhe tubit të kullimit nuk duhet të jetë e lakuar ose e bllokuar. Kontrolloni zorrën dhe pastrojeni ose drejtojeni nëse është e nevojshme. Përndryshe, uji mund të mos qarkullojë si duhet dhe mund të mos kullohet tërësisht nga daullja.  

Sigurohuni që uji i kulluar të mos kthehet prapë në daulle  

Nëse nuk ka probleme me filtrin e pompës ose me zorrën e kullimit, uji i kulluar mund të kthehet në daulle. Për të parandaluar ujin e kulluar të kthehet në rrobalarëse, bëni si në vazhdim:  

• Sigurojeni zorrën e kullimit në vend në pjesën e pasme të makinës dhe mbi lidhjen me makinën me kapëse. Sigurohuni që zorra e kullimit të mos hiqet nga kapësja e saj.
• Sigurohuni që tubi i shkarkimit të jetë i lidhur me daljen e mbeturinave të paktën 40 cm dhe më së shumti 100 cm mbi nivelin e tokës. 
• Kontrolloni që zorra të shtyhet rreth 15 cm në prizën e kullimit. Nëse është shumë e gjatë, shkurtojeni.

Kini parasysh problemet teknike

Nëse çdo gjë tjetër dështon, rrobalarësja juaj mund të ketë probleme teknike. Nëse dyshoni se ky mund të jetë problemi, kontaktoni servisin e autorizuar.