Kohëzgjatjet e ciklit të tharjes janë të përcaktuara në manualin e përdorimit të tharëses suaj. Kontrolloni manualin tuaj të përdorimit dhe shikoni nëse tharja po zgjat më shumë se koha e caktuar. Nëse keni probleme që ta gjeni manualin tuaj, shkarkojeni këtu duke shënuar numrin e modelit të pajisjes tuaj. 

Nëse vëreni një rritje në kohën e tharjes së tharëses tuaj, shikoni nëse ndonjë nga këshillat më poshtë do të ju ndihmojnë të zgjidhni problemin. 

Shikoni nëse filtri i garzës është i ndotur ose i bllokuar  

Koha e tharjes mund të jetë më e gjatë nëse filtri i garzës është i bllokuar. Filtri i garzës mbledh pushin dhe fibrat nga rrobat dhe duhet të pastrohet pas çdo cikli tharjeje. Filtri i rrobave është i vendosur në buzë të derës. 

Për të pastruar filtrin e garzës, hapni derën dhe tërhiqeni filtrin e garzës lart për ta nxjerrë. Hiqni garzët e mbledhura në ndarësit e filtrit me dorë ose me një leckë të butë. Nëse filtri është i bllokuar rëndë, lajeni atë nën vrushkull uji të ngrohtë.   

Thani filtrin e garzës plotësisht para se ta instaloni përsëri. Para se të vendosni përsëri filtrin në shtëpizën e vet, jepini një pastrim pasi edhe aty mund të ngjiten fibrat.   

Shikoni nëse sirtari i filtrit ose filtri i kondensatorit është i ndotur ose i bllokuar 

Tharësit e pompës së nxehtësisë dhe kondensatorit kanë një filtër shtesë mbrapa kapakut. Kjo pjesë quhet sirtar filtri në tharëset me pompa të nxehtësisë dhe një filtër në tharëset e rrobave me kondensator.  

Një sirtar ose kondensator filtri i bllokuar mund të shkaktojë kohë më të gjata të tharjes. Këta filtra kapin pushin dhe fibrat që depërtojnë nëpër filtrin e garzës. Ato duhet të pastrohen në mënyrë periodike ose kur ndizet simboli paralajmërues për pastrimin e sirtarit të filtrit (nëse ekziston).  

Për të pastruar sirtarin e filtrit ose filtrin e kondensatorit, hapni pllakën dhe hiqni copën nga shtëpiza e saj duke zgjidhur bulonat. Sirtari i filtrit mund të hapet më tej duke shtypur butonin e kuq.   

Hiqni garzët e mbledhura në sipërfaqet e filtrit me dorë ose me një leckë të butë. Gjithashtu mund të përdorni fshesën tuaj me një fuqi të ulët thithjeje. Më në fund, ka një pjesë të hollë sfungjeri midis ndarëseve. Nxirrni sfungjerin dhe lajeni nën vrushkull uji të ngrohtë.   

Nga ana tjetër, filtri i kondensatorit pastrohet më mirë me vrushkull uji. Mbajeni atë nën vrushkull uji për disa minuta. Mundohuni ta lani mirë nga të gjitha anët dhe të hiqni pushin.  

Prisni që të gjitha pjesët të thahen plotësisht para se t'i instaloni përsëri. Vendosni sirtarin e filtrit ose kondensatorin në shtëpizën e vet dhe mbylleni. Në fund, mbyllni kapakun e pllakës.  

Shikoni mos është bllokuar ventilimi i tharëses (modelet me ventilim)  

Nëse posedoni një tharëse rrobash me ventilim, pajisja juaj ka nevojë të instalohet afër ventilimit të jashtëm. Ky ventlim duhet të jetë i lirë nga bllokimet për shkak të sigurisë dhe për performancë të mirë të tharjes. Nëse ventilimi i tharëses është i bllokuar, pajisjes tuaj do ti duhet më shumë kohë për të tharë rrobat.

 

Kontrolloni programet dhe funksionet e përzgjedhura 

Programi i zgjedhur mund të ketë veçori që kërkojnë kohë shtesë. Zgjidhni programin e duhur për llojin e rrobave dhe përdorni funksione shtesë vetëm kur është e nevojshme. Konsultoni manualin tuaj të përdorimit për programin më të përshtatshëm. Nëse keni probleme të gjeni manualin tuaj, shkarkojeni këtu duke shënuar numrin e modelit të pajisjes tuaj.  

Mos e mbingarkoni pajisjen  

Nëse tharësja juaj është e mbingarkuar, qarkullimi i ajrit brenda daulles do të jetë i kufizuar. Kjo do të rezultojë në kohëzgjatjen më të madhe të tharjes së rrobave.

Konsultoni manualin e përdorimit për programet dhe kapacitetet e rrobave. Nëse keni vështirësi të gjeni manualin, shkarkojeni këtu duke shënuar numrin e modelit të pajisjes tuaj.