Проверете дали замрзнувачот е вклучен, а термостатот не е исклучен. Ако ја прави својата стандардна бучава, вашиот замрзнувач е најверојатно вклучен. Ако вашиот замрзнувач работи, но не ја замрзнува доволно неговата содржина, проверете дали можеби проблемот е во следново. 

Погледнете дали намотките на кондензаторот треба да се исчистат 

Кондензаторот е одговорен за ослободување на топлината што ја произведува вашиот уред во околниот воздух. Неговите жици не можат ефикасно да работат ако се покриени со нечистотија или прашина. Исклучете го уредот од струја и пронајдете ги калемите на задниот или на долниот дел од уредот. Можете да ги исчистите калемите со нежна четка или додаток на четка од правосмукалка под услов да е поставен на мала моќност на вшмукување. Не користете влажни крпи или пешкири при чистење на калемите на кондензаторот. 

Избегнувајте преоптоварување на уредот

Преоптоварувањето може да го блокира протокот на воздух во внатрешноста на уредот. Ако некои делови од замрзнувачот не се оладат колку што треба, отстранете дел од производите во замрзнувачот и проверете дали протокот на воздух не е ограничен, особено во близина на отворите за циркулација.

Проверете дали се има наталожено мраз

Проверете дали во замрзнувачот ви е наталожен мраз. Ако внатрешните sидови имаат видлив мраз на нив, можеби ќе треба рачно да го одмрзнете вашиот уред.

За повеќе информации во врска со одмрзнувањето на вашиот замрзнувач, проверете го упатството за употреба. Ако имате проблем да го пронајдете вашиот прирачник, преземете го тука користејќи го бројот на моделот на вашиот производ.

Ако вашиот замрзнувач ја има функцијата no-frost нема да треба рачно да го одмрзнувате уредот.

Проверете ја температурата на околината 

Многу студена надворешна температура може да спречи вашиот замрзнувач да функционира правилно, особено ако е поставен во гаража или во доградба на згада без греење. Ако мислите дека можеби ова е проблемот, преместете го апаратот.

За да ја видите точната најниска температура на која работи фрижидерот со замрзнувач, проверете го упатството за употреба. Ако имате проблем да го пронајдете вашиот прирачник, преземете го тука користејќи го бројот на моделот на вашиот производ. 

Проверете дали на заптивките на вратите има празнини, пукнатини или гребнатини 

Студениот воздух во внатрешноста на уредот мора да биде правилно изолиран од надворешни температури. Проверете дали има празнини помеѓу заптивките на вратите и уредот. Ако ги пронајдете, наместете ја заптивката нежно оттурнувајќи ја со прстите од вратата.

Ако има отвор, мора да ја замените заптивката. Во овој случај, контактирајте овластен сервисер.