Црвеното светло или алармот за висока температура на вашиот замрзнувач ќе се вклучат кога не е доволно ладно. Ова значи дека замрзнувачот не е погоден за чување замрзната храна додека не се исклучи светлото. Погледнете дали нешто од наведеното ќе го реши проблемот. 

Дајте време на вашиот новоинсталиран апарат да се стабилизира 

Алармот за висока температура или индикаторот за црвено светло ќе бидат вклучени кога вашиот замрзнувач ќе се поврзе со електричната мрежа за прв пат. Ова значи дека температурата во вашиот уред е сè уште претопла. Држете ја вратата на замрзнувачот затворена и светлото ќе се изгасне за неколку часа.  

Избегнувајте ставање топла храна во внатрешноста на уредот 

На вашиот замрзнувач ќе му треба подолго време за да ја стабилизира својата внатрешна температура кога е наполнет со топла храна. Почекајте храната да се олади пред да ја ставите во уредот. 

Проверете дали на заптивките на вратите има празнини, пукнатини или гребнатини 

Студениот воздух во внатрешноста на уредот мора да биде правилно изолиран од надворешни температури. Проверете дали има празнини помеѓу заптивките на вратите и уредот. Ако ги пронајдете, наместете ја заптивката нежно оттурнувајќи ја со прстите од вратата.

Ако има отвор, мора да ја замените заптивката. Во овој случај, контактирајте овластен сервисер. 

Избегнувајте пречесто отворање на вратата или долго држење на вратата отворена 

Вашиот замрзнувач треба да го задржи воздухот во замрзнувачот на одредена температура за да може да ја држи храната замрзната. Ако вратата на замрзнувачот се отвора премногу често или се чува отворена подолго време, топол воздух ќе влезе во замрзнувачот и ќе ја зголеми температурата на воздухот внатре. 

Проверете дали се има наталожено мраз

Проверете дали во замрзнувачот ви е наталожен мраз. Ако внатрешните sидови имаат видлив мраз на нив, можеби ќе треба рачно да го одмрзнете вашиот уред.

За повеќе информации во врска со одмрзнувањето на вашиот замрзнувач, проверете го упатството за употреба. Ако имате проблем да го пронајдете вашиот прирачник, преземете го тука користејќи го бројот на моделот на вашиот производ.

Замрзнувачите на Beko со технологија MinFrost® значително го намалуваат таложењето на мразот, што значи дека се потребни помалку циклуси на одмрзнување.