Можеби нема да можете да одолеете на предизвикот едноставно да ја ставите во фрижидер набавката од целата седмица и да претпоставите дека внатре ќе биде доволно ладно. Факт е дека некои делови од фрижидерот се поладни од другите, па затоа треба да се полнат со различни видови храна. Ако сакате да дознаете каква храна треба да се чува на одредени места во фрижидер, тогаш овој прирачник е за вас.

Горни полици 

На врвот од фрижидерот е малку потопло, па затоа најдобро е таму да чувате храна што не треба да се готви. Ова вклучува готвена храна и сувомеснати производи, како и остатоци од храна или претходно зготвени јадења. 

Средни полици 

Тие се идеално место за млечни производи, како што се млеко, јогурт и сирење. Исто така е добро да се стават јајца на оваа полица бидејќи температурата на неа е соодветна и рамномерна. 

Долни полици 

Долните полици на фрижидерот се најстудени, така што тие претставуваат најдобро место за свежо месо и риба. Ако го задржите целото сурово место на една полица, исто така ќе спречите меѓусебна контаминација. 

Фиоки 

Овошјето, зеленчукот, салатите и зачините треба да се чуваат во фиоките.

Вратата на фрижидерот 

Ова е најтоплиот дел од фрижидерот, така да производите кои содржат природни конзерванси, како што се џемови и зачини, може да се чуваат тука. 

Најдобри совети за чување храна 

• Чувајте ја зготвената и сировата храна одделно, свежо месо и риба чувајте ги завиткани. 
• Користете стаклени садови секогаш кога можете бидејќи стаклото подобро го задржува студот. 
• Поставете ја температурата на фрижидерот помеѓу 1 °C и 4 °C. 
• Ако сакате путерот и крем сирењето да останат меки, чувајте ги на полиците во вратата на фрижидерот. 
• Чувајте ги салатите и билките подалеку од sидовите на фрижидерот. Студот ќе ги замрзне. 
• Авокадото, бананите, нектарините, праските, крушите, сливите и доматите треба да се чуваат надвор од фрижидерот бидејќи ослободуваат гасови што можат да ја расипат друга храна.