Енергетските ознаки даваат многу корисни информации за уредот. Да разгледаме подетално за каков вид информации станува збор и што значат тие. 

? Што е енергетската ознака на ЕУ? 

Енергетската ознака на ЕУ е стандардизиран систем за проценка на енергетската ефикасност пропишан од Европската унија за повеќето апарати за домаќинство. Првата енергетска ознака на ЕУ се појави на уредите во 1994 година. Оттогаш, сè повеќе категории уреди се вклучени во енергетските регулативи на Европската унија и од тогаш ознаките се ажурирани неколку пати. 

Главната цел на енергетските ознаки на ЕУ е заеднички да ја намалат потрошувачката на енергија на апарати за домаќинство во Европа, правејќи две работи: 

1. Давање на јасни критериуми за споредување и помагање на потрошувачите во изборот на енергетски ефикасни производи, и 
2. Охрабрување на компаниите постојано да инвестираат во развој на производи који се повеќе енергетски ефикасни. 

Енергетските ознаки вклучуваат вредни информации за уредот, како што се годишна потрошувачка на енергија, ниво на бучава или капацитет. Овие мали картички со ознака изгледаат како резиме на сите работи што треба да ги земете предвид при купување на нов фрижидер. 

Што се наоѓа на енергетската ознака на комбинираните ладилници? 

Еве како изгледа енергетската ознака на ЕУ за комбинирани ладилници и што значат симболите и броевите на неа: 

Прочитајте за да дознаете што точно значи секоја оценка и број. 

01.

Енергетска класа (А +++ до А +) 

Од 2012 година, комбинираните ладилници мора да ги исполнуваат условите за најмалку  енергетска оцена А+. Но, трговците се уште може да имаат на располагање уреди со рангирање А и Б. Иако уредот со ознака А ++ не е лош, уредот А +++ ќе биде поевтин за одржување и подобар за животната средина. 

Кај комбинираните ладилници, поради големината, има големи разлики затоа што колку е поголем просторот што треба да се олади, толку повеќе енергија ќе троши уредот. Водете сметка да ја изберете оптималната големина на уредот за најефикасно користење на вашиот простор и електрична енергија.  

02.

Годишна потрошувачка на енергија (kWh / година) 

Покрај енергетската класа, на енергетските ознаки на комбинираниот фрижидер ќе ја најдете и проценетата годишна потрошувачка на енергија во kWh. 

За другите уреди, овие броеви се пресметуваат врз основа на разни претпоставки, како на пример дека ќе ја вклучите машината за миење садови приближно 5 пати неделно со стандарден циклус на миење. 

Годишната потрошувачка на енергија за фрижидери обично е прилично точна бидејќи уредите работат 24/7, во текот на целата година. Ако ако го знаете износот на сметката за електрична енергија, тогаш можете прецизно да пресметате колку чини работењето на уредот на ниво од една година. 

03.

Капацитет на фрижидерот и замрзнувачот (L)

Овие бројки се прилично точни. Тие ќе ви дадат информации за тоа колку литри простор нудат одделите за фрижидер и замрзнувач во одреден комбиниран фрижидер. 

Овие броеви и нивниот однос ќе варираат во зависност од перформансите на уредот. Можно е да се најдат фрижидери со сооднос фрижидер-замрзнувач од 70/30, 60/40 и 50/50. Размислите за тоа и ќе одлучите во зависност од вашите навики во исхраната и стилот на купување. 

04.

Ниво на бучава (dB) 

Конечно, друга многу важна проценка на енергетската ознака на комбиниран фрижидер е нивото на бучава изразено во dB. Современите комбинирани фрижидери се прилично тивки, но што било над 47 dB ќе се смета за бучно. Кога ќе се приближите до нивото од 60 dB, пристапувате до нивото на бучава што го има просечниот разговор, и никој, се разбира, не сака уред што ќе го прекинува цело време.  

Зошто треба да се грижите за енергетската ефикасност? 

Поради две основни причини:  

1. Буџетот на вашиот дом и 

2. Животна средина 

Иако комбинираните фрижидери со повисока енергетска оценка се малку поскапи, тие трошат помалку енергија. Префрлувањето на енергетски ефикасен фрижидер може да ги намали трошоците за електрична енергија до 50% и да ја исплати почетната инвестиција за неколку години. 

Трошоците за електрична енергија растат многу брзо низ целиот свет. Нашиот животен стил е таков што бара зголемување на потрошувачката на енергија додека ресурсите стануваат послаби. Според Европската комисија, заштедите може да достигнат до 600 ЕУР за времетраењето на уредот. И тоа не сметајќи го зголемувањето на цената со текот на времето. 

Може да помислите: „Па што значи еден фрижидер?“ Ете, тоа е кумулативен ефект. Енергетската ефикасност никогаш не била поважна од сега кога ресурсите се намалуваат и влијанието на нашите животи врз природата се зголемува. 

Доколку фрижидерите во цела Европа би се замениле со енергетски поефикасни, секоја година би се заштедувало 4 TWh (што е 4.000.000.000 kWh!)  електрична енергија. Покрај тоа, ние би спречиле 1,5 милиони тони јаглерод диоксид (СО2) да се испуштаат во атмосферата секоја година.