Енергетските етикети даваат многу вредни информации за производот. Да разгледаме подетално какви информации има таму и што значат.  

Што е енергетска етикета на ЕУ?

Ознаките за енергетска ефикасност на на ЕУ претставуваат  стандардизиран систем на оценки за енергетска ефикасност издадени од Европската Унија за повеќето домашни апарати. Првата енергетска ознака на ЕУ за прв пат се појави на некој апарат во 1994 година. Оттогаш, сè повеќе категории на апарати се вклучени во ЕУ енергетскиот регулатор. Енергетските регулативи и етикетите се ажурирани во различни временски периоди.  

Главната цел на етикетите за енергетска ефикасност на ЕУ е да придонесат во намалувањето на потрошувачката на електрична енергија на домашните апарати во Европа, притоа применувајќи две работи:  

1. Со давање на јасни критериуми за споредба на домашните апарати ,на потрошувачите  да им се  помогне да изберат енергетски ефикасни производи, и 
2. Охрабрување на компаниите да инвестираат во развој на сè повеќе енергетски ефикасни производи. 

Етикетите за енергија содржат важни информации за апаратот, како што се: годишната потрошувачка на енергија, нивото на бучава и неговиот капацитет. Овие мали картички со етикети се како резиме на сите работи што треба да ги земете во предвид кога барате нова машина за перење на алишта.  

Што има на етикетата на машина за перење алишта? 

Еве како изгледа енергетската ознака на ЕУ за машини за алишта и што означуваат симболите и броевите:

Прочитајте за да откриете што значи подетално секој рејтинг и број.  

01.

Енергетска класа (A+++ дo D)

Од декември 2011 година, машините за перење се оценети од А +++ (најефикасни) до D (најмалку ефикасни). Машината за перење А +++ ќе биде најевтината за работа, најеколошка меѓу другите машини за перење.  

02.

Годишна потрошувачка на енергија (kWh/година)  

Годишната процене потрошувачка на енергија се дава и на етикетите за енергетска ефикасност на машините за перење. Ова се базира на 220 циклуси од комбинација на целосни и делумни оптоварувања на памук на 40 °C и 60 °C. Тоа значи дека претпоставката е дека машината за перење работи најмалку 4 пати неделно.

Вашите индивидуални навики за перење ќе имаат големо влијание врз вистинската количина на енергија што ја користи машината за перење. Сепак, зголемувањето на годишната потрошувачка на енергија на машината за перење со трошоците за електрична енергија по kWh во вашиот регион, ќе ви даде добра проценка колкава ќе биде цената доколку тој уред работи во текот на целата година.  

03.

Годишна потрошувачка на вода (L/година) 

Како и за потрошувачката на енергија, годишната проценета потрошувачка на вода дадена на ознаките за енергетска вредност на машината за перење се заснова на 220 циклуси од комбинација на целосни и делумни оптоварувања на памук на 40 °C и 60 °C. Таа ќе се движи од околу 8 000 до 12 000 литри годишно.

Исто како и со годишната потрошувачка на енергија, годишната потрошувачка на вода во голема мера зависи од вашите навики за перење. Повторно, множењето на овој број со цената на литар вода во вашата област ќе ви даде добра проценка за годишните трошоци за работа на таа машина за перење.  

04.

Капацитет (kg)

Ова е колку оптоварување може да издржи вашата машина за перење на стандарден циклус за перење памук. Капацитетот се менува во зависност од избраната програма.

Ве молиме проверете го вашето упатство за точниот капацитет на секоја програма. Ако сте сопственик на Beko, можете да го преземете упатството за корисникот со бројот на вашиот производ. 

05.

Ефикасност на сушење со центрифуга (A дo G) 

Оваа буквај ви кажува колку е успешна машината за перење во отстранување на влагата од алиштата за време на центрифугата. Колку е поблиску оваа буква до А, облеката посува ќе излезе од машината.

Ова исто така значи и помалку време што ќе треба да го поминат алиштата во машината за сушење, заштедувајќи на перење и сушење. Побрза центрифуга е многу поефикасен начин за отстранување на влагата од алиштата, а потоа оставете ја да седи во машината за сушење.  

06.

Нивоа на бучава при перење и центрифуга (dB)  

Етикетата за оценка на енергијата на машината за перење, исто така, ќе обезбеди две нивоа на бучава при работа: едниот циклус на перење, а другиот циклус на центрифуга.

Овие нивоа може да се движат од 40 dB (тивка библиотека) до 80 dB (ѕвонење на домашен телефон). Машините од повисок степен имаат тенденција да бидат потивки бидејќи вклучуваат мотори без четки и системи против вибрации, но секако дека тие ќе бидат малку поскапи од другите модели. 

Зошто треба да се грижите за енергетската ефикасност?

Од две основни причини: 

1. Буџетот на вашето домаќинство и

2. Околината  

Вистина е дека машината за перење со повисок рејтинг на енергија има тенденција да биде малку поскапа, но чини помалку за напојување. Тоа значи, префрлување на енергетски ефикасна машина за перење може да ги намали сметките за енергија до 50% и да ја отплати почетната инвестиција за неколку години. Всушност, Европската комисија вели дека вашата заштеда може да додаде до 250 евра во текот на животот на вашиот апарат. 

Можеби размислувате „каква разлика ќе направи само една машина за перење?“. Па, тоа е кумулативен ефект. Енергетската ефикасност никогаш не била поважна од сега кога ресурсите се при крај и ефектите на човечкиот живот врз природата постојано се зголемуваат. 

Доколку цела Европа ги испушти своите стари машини за перење, вкупно 1,5 TWh (тоа е 1.500.000.000 kWh!) ќе се заштеди електрична енергија до 2020 година.