Топлата облека која штотуку сте ја извадиле од машината за сушење,може да изгледа изгужвана многу повеќе отколку што навистина е. Ако алиштата се суште влажни откако ќе се оладат, проверете дали некој од следниве совети ќе го реши проблемот.
Проверете дали ја користите соодветната програма
Избраната програма може да не е соодветна за видот на алишта што се ставаат во машината. Проверете ги етикетите за нега на облеката и упатството за употреба за најсоодветната програма. Изберете дополнителни функции ако е потребно.
Ако постапките опишани погоре не функционираат, прочитајте во Вашиот прирачник за употреба. Ако имате проблем да го пронајдете Вашиот прирачник, преземете го тука користејќи го бројот на моделот на Вашиот производ.
Проверете дали филтерот за влакна е валкан или затнат
Вашата машина за сушење на алишта можеби нема можност целосно да ги исуши алиштата ако е затнат филтерот за влакна. Филтерот за влакна ја собира пената и влакната од облеката и треба да се чисти по секој циклус на сушење. Филтерот за влакна се наоѓа на работ на вратата.
За да го исчистите филтерот за влакна, отворете ја вратата и повлечете го филтерот за влакна нагоре за да го отстраните. Извадете ги влакната собрани на филтерот со рака или со мека крпа. Ако филтерот е многу извалкан, измијте го под чешма со топла вода.
Филтерот целосно исушете го пред повторно да го инсталирате. Пред да го поставите филтерот назад во неговото куќиште, избришете го и самото куќиште, бидејќи може да се соберат влакна и во овој дел.
Погледнете дали фиоката за филтер или филтерот за кондензаторот се валкани или затнати
Машините кои работат на топлински пумпи и кондензатори имаат дополнителен филтер кој се наоѓа зад вратата. Овој дел се нарекува фиока за филтрирање во машините за сушење со топлинска пумпа, а филтер за кондензција во сушарите со кондензатор.
Блокирана фиока за филтрирање или кондензатор може да предизвика подолго време на сушење. Овие филтри собираат нечистотија и влакна што излегуваат низ филтерот за влакна. Тие треба да се чистат периодично или кога ќе се вклучи сигналната светилка за чистење на фиоката на филтерот (доколку е достапен).
За чистење на фиоката за филтрирање или филтерот за кондензатор, отворете ја ударната плочка за удирање и извадете го филтерот од неговото куќиште со одврзување на бравите. Фиоката за филтри натаму може да се отвори со притискање на црвеното копче.
Извадете ги влакната собрани на површината на филтрите со рака или со мека крпа. Можете
исто така да ја користите Вашата правосмукалка на најмала моќност на вшмукување. Помеѓу површините на филтерот има танко парче сунѓер. Извадете го сунѓерчето и измијте го под чешмата со топла вода.
Филтерот на кондензаторот, подобро е да се исчисти со вода под притисок. Држете го под туш неколку минути. Обидете се да испрскате вода од сите страни и да ја извадите пената.
Почекајте сите делови да се исушат целосно пред повторно да ги инсталирате. Ставете ја фиоката за филтер или кондензаторот во неговото куќиште и заклучете ги бравите. На крајот, затворете го капакот на ударната плоча.
Избегнувајте преполнување на апаратот
Машините за сушење имаат различни капацитети за полнење. Преполнувањето на апаратот ќе влијае на перформансите и може да спречи целосно сушење на алиштата. Ако се сомневате дека тоа е така, стартувајте го апаратот со полесен товар.
Проверете го упатството за користење на програми и нивните капацитети за сушење. Ако имате проблем да го пронајдете Вашиот прирачник, преземете го тука користејќи го бројот на моделот на Вашиот производ.
