Енергетските етикети даваат многу вредни информации за производот. Да разгледаме подетално какви информации има таму и што значат.

Кои се ознаките за енергетска ефикасност на ЕУ? 

Ознаките за енергетска ефикасност на на ЕУ претставуваат  стандардизиран систем на оценки за енергетска ефикасност издадени од Европската Унија за повеќето домашни апарати. Првата енергетска ознака на ЕУ за прв пат се појави на некој апарат во 1994 година. Оттогаш, сè повеќе категории на апарати се вклучени во ЕУ енергетскиот регулатор. Енергетските регулативи и етикетите се ажурирани во различни временски периоди. 

Главната цел на етикетите за енергетска ефикасност на ЕУ е да придонесат во намалиувањето на  потрошувачката на електрична енергија на домашните апарати во Европа, притоа применувајќи две работи: 

1. Со давање на јасни критериуми за споредба на домашните апарати, на потрошувачите  да им се помогне да изберат енергетски ефикасни производи, и 

2. Охрабрување на компаниите да инвестираат во развој на сè повеќе енергетски ефикасни производи.   

Етикетите за енергија содржат важни информации за апаратот, како што се: годишната потрошувачка на енергија, нивото на бучава и неговиот капацитет. Овие мали картички со етикети се како резиме на сите работи што треба да ги земете во предвид кога барате нова машина за миење садови. 

Што има на етикетата за миење садови? 

Еве како изгледа енергетската ознака на ЕУ за машини за миење садови и што означуваат симболите и броевите: 

Прочитајте за да откриете што значи подетално секој рејтинг и број. 

01.

Енергетска класа (A+++ дo D)

Енергетската оценка на машината за миење садови се движи од од А +++ до D, а најголемите машини за миење садови се генерално најефикасни. Запомнете сепак, за да остигнете најмала потрошувачка на енергија и вода по оптоварување, машината треба да биде полна.  

Една од главните компоненти што влијае на ефикасноста на машината е моторот на инвертерот. Побарајте машини за миење садови со мотори без четки. Тие се поефикасни и потивки од другите типови мотори.

02.

Годишна потрошувачка на енергија (kWh / година) 

Етикетите за енергија во машина за миење садови ќе обезбедат проценка и на годишната потрошувачка на електрична енергија, но точноста на оваа проценка ќе зависи од тоа колку редовно го користите апаратот. За машини за миење садови, проценката на годишната потрошувачка на енергија се заснова на 280 стандардни циклуси на миење годишно, што значи околу 5 миења неделно. 

Вашите индивидуални навики за миење на садови ќе имаат големо влијание врз вистинската потрошувачка на електрична  енергија што ја користи вашата машина за миење садови. Сепак, множењето на годишната потрошувачка на енергија на машина за миење садови со трошоците за електрична енергија по kWh во вашиот регион ќе ви даде добра проценка за тоа колку ќе чини работењето на тој апарат во текот на целата година. 

03.

Годишна потрошувачка на вода (L / година) 

Етикетите за енергија во машина за миење садови исто така даваат проценка на годишната потрошувачка на вода, што е генерално помеѓу 3 300 и 3 600 литри годишно. Повторно, ова се заснова на 280 стандардни циклуси на миење годишно. 

04.

Класа на ефикасност на сушење (A дo G)

Оцените за ефикасноста на сушењето во машината за миење садови одат од А до G и покажуваат колку е ефикасна машината за миење садови за време на сушењето.

05.

Капацитет (комплети за садови) 

Капацитетот на машината за миење садови се изразува во „комплети за садови“. Еден сет вклучува чинија за вечера, чинија за десерт, една чаша, сад за супа, чаша за чај, чинија и прибор за јадење. 

06.

Нивоа на бучава (dB)

И на крај, во етикетата за енергија можете да го најдете нивото на работен шум на апаратот . Повеќето современи машини имаат нивоа на бучава од околу 40-55 dB. Како референтна рамка, нормалниот разговор е околу 60 dB, додека ѕвонењето на домашен телефон ќе биде околу 80 dB. 

Зошто треба да се грижите за енергетската ефикасност? 

Од две основни причини: 

1. Буџетот на вашето домаќинство и 

2. Околината  

Иако машините за миење садови со повисок енергетски рејтинг имаат тенденција да бидат малку поскапи, тие чинат помалку при користењето на подолг временски период. Префрлувањето на енергетски ефикасна машина за миење садови може да ги намали вашите трошоци за енергија до 50% и да ја врати почетната инвестиција за неколку години. 

Трошоците за енергија рапидно растат низ целиот свет. Нашиот начин на живот бара сè поголеми количини на енергија додека ресурсите стануваат сè попразни. Според Европската комисија, вашите заштеди може да се зголемат до 300 евра во текот на целиот животен век на вашиот апарат. Притоа не се зема во предвид  зголемувањето на цената со текот на времето.   

Можеби размислувате „каква разлика ќе направи само една машина за миење садови?“. Па, тоа е кумулативен ефект. Енергетската ефикасност никогаш не била поважна од сега кога ресурсите се при крај и ефектите на човечкиот живот врз природата постојано се зголемуваат. 

Доколку цела Европа ги замени своите машини за миење садови со енергетски ефикасни, до 2 TWh (тоа е 2.000.000.000 kWh!), ќе се заштеди електрична енергија  до 2020 година.